《聖經》裏的難題
| « 1 | < | > | 5 » |
我自己是將聖經中的每個難題視為天主考驗我們的信德的考場。試想想：世界上有那一本書，能夠像《聖經》一樣，雖然被很多人當成並非事實的神話故事，雖然存在着這麼多難題，卻仍能在漫長的歷史長河中引導着億萬基督徒遵從其教導去積極地生活，去信靠萬有之上的天主，就算面對最殘酷的迫害和殺戮都不動搖信心？應怎樣理解「那些沒有看見而相信的，才是有福的」（若望福音20:29）這句聖言，能讓無數基督徒在厄運與迫害面前，都不動搖對《聖經》的信心，甘願為其所啟示的道理前仆後繼、捨命取義？《天方夜譚》的神燈有這種號召力嗎？絕對沒有！ 如果《聖經》完全沒有難題，就像技術教科書或機械操作手冊一樣，將天地間的道理、人生各種大小困難的解決方法等等巨細無遺地詳列出來，讓我們讀起來毫無難度，實踐起來得心應手，豈不是會令人更加容易信靠耶穌基督、皈依天主嗎？哪有這麼簡單！撒殫不會如此輕易地放過我們，這條毒蛇不會放過在伊甸園中因受其誘惑而背叛了天主、被牠俘虜了的人類的；因此，就算《聖經》寫得如何通俗易明，仍會有人拒絕相信，而選擇追隨撒殫的，就像原祖亞當厄娃吃禁果的情節一樣 一一 選擇重撒殫而輕天主。 耶穌在曠野受到撒殫的試探時，「魔鬼又把他帶到一座極高的山上，將世上的一切國度及其榮華指給他看，對他說：『你若俯伏朝拜我，我必把這一切交給你。』那時，耶穌就對他說：『去罷！撒殫！因為經上記載：「你要朝拜上主，你的天主，惟獨事奉他。」』於是魔鬼離開了他，就有天使前來伺候他」（瑪竇福音4:8-11）。試想想：魔鬼將「世上的一切國度及其榮華」—— 這個令古往今來無數「英雄」競折腰但從未有人得到過的天大禮物擺在面前，除了耶穌外，有多少人能拒絕如此巨大的利誘？所以，我們唯有信靠耶穌基督才能擊退撒殫，尤其是在信仰上遇到難題時，更需站穩在基督的立場。這些難題就像信仰道路上的曠野，魔鬼必會在這些地方試探我們，誘惑我們遠離天主。當我們受到其試探時，只要作出正確的選擇，與基督站在一起，撒殫就會知難而退，天使就會來陪伴我們走永生天國的道路。 | |||||
一本廢垃圾故事書 聖經矛盾+科學荒謬和歷史錯誤(Liar)+殘忍與暴力(Evil) http://www.lyingforjesus.org/Bible-Contradictions/ . | |||||
1 + 1 = 5 大部分人都會話我錯 但相信我的人，就會以不同角度，仔細推敲當中蘊含嘅無限意義，當成是我給你們的難題（或IQ題），是對我絕對信心的考驗…… 一句算式尚且可以如此，假如是一段文字、甚至一本書呢？ | |||||
你講野岩一半咁多喇。 亂翕24都話無問題, 要信既, 除非你係習總金正恩哩。 以不同角度，仔細推敲當中蘊含嘅無限意義來看1+1=5既態度就係岩勒。 聖經中就係好多呢啲1+1=5既地方, 唔係咁多人推敲到既 (低班瘋9更加無咁既功力)。 當我明白到你說1+1=5不在說數學時, 咁又真係無咩問題, 我還會拍掌說好: 所以條瘋9說的甚麼: 聖經矛盾+科學荒謬和歷史錯誤(Liar)+殘忍與暴力(Evil) 就讓他 1+1=5 好了。 | |||||
所以我唔會阻止啲人繼續研究1+1=5就係咁話，要信教就繼續信啦，唔好煩到我就可以。 | |||||
網主呢個諗法非常好，希望你付諸實行，我非常之有興趣去觀察同研究。自從耶穌喺約旦河上岸後召叫幾個門徒開始，經過咗兩千年，已經發展到有二十億人信耶穌；你而家提出1+1=5，我雖然冇時間觀察你兩千年，但係持續睇兩年或者二十年都應該睇到嘅，睇吓到時有幾多人信你先。你可以而家喺網入邊搵住一兩個門徒作為起步。我好期待驗證你3樓嘅邏輯推理是否正確。 | |||||
我拎出嚟就變咗有五張既話, 咁亞抽既門徒一定飆升到多過天主教徒 | |||||
呢到無人煩你喎, 都無新教徒纏你. 你唔亂翕, 就無人煩你既 係你作帖自煩, 容人打擾 | |||||
係㗎，但如果沙文又話 1 + 1 = 4，我就唔知大家會信邊個講法，或者兩個陳述都一齊去推敲，可能最後會發現其中一個答案是對、另一個是錯，或者兩個答案都正確，又或者兩個答案都錯。 然後，旁觀者版友又提出 1 + 1 = 6 這個時候，偶爾進入來的其他瀏覽者，大概都會覺得這個版的人都是有精神病。 亦有可能出現顛覆性既結論，例如近年大熱的地平說： | |||||
即係唔實行，推論無從驗證。 | |||||
| |||||
你想實行啲咩？我話1 + 1 = 5，沙文話 1 + 1 = 4，相當於聖經和古蘭經，各自有信徒「相信」它是真理，信徒亦一直面對這些經文的「難題」並嘗試推敲當中意義，這在現實中已正在實行。 歷史上不同信徒對其所信「真理」的捍衛，導致了不少衝突甚至戰爭，所以如果你要繼續推敲1 + 1 = 5，除咗唔理你之外，我唔會嘗試糾正你應該係1 + 1 = 2 咁既。 | |||||
沙文做唔做係另外一件事，撇開佢唔好諗佢住先，我淨係想睇你搵到幾多個信徒，同埋維持到幾耐，冇其他競爭者應該發展得更快，天主教去起初幾百年都冇乜同類競爭者，而且被外敵殺到血流成河要匿入地底生活，你而家都冇人迫害你，應該有雙重發展優勢。 | |||||
哦，你想我創立一個宗教呀？ | |||||
歷史上不同信徒對其所信「真理」的捍衛，導致了不少衝突甚至戰爭，所以如果你要繼續推敲1 + 1 = 5，除咗唔理你之外，我唔會嘗試糾正你應該係1 + 1 = 2 咁既。 當你走回來說１＋１是應該等如２， 要「糾正」一下時， 你就不是在推敲當事人為甚麼會說１＋１＝５囉 是無知？（你就以為是這個原因） 還是故意說成是這樣， 另有所指？ | |||||
你把歷史上許多戰爭， 歸究於信仰不同， 各捍衛「真理」 是否也是在說１＋１＝５？ | |||||
一個新來的版友, 見你班友掹講1+1=5 就以為呢到班友好無知, 白痴.....(要糾正一下?) 就正如你, 同瘋9見到經上矛盾句咁哩 | |||||
1+1=2 只是數學上的真理， 明顯你離不開數學的思維而已。 當１＋１， 不是在談數學時， １＋１。。。。真係可以是「好多野」 所以 最重要還是去明白當事人， 是在用甚麼心態， 情境下講１＋１不是２ | |||||
好吖。。。搞個「離教」，， 叫人脫離任何信仰宗教， 基， 回， 佛， 印度， 道， 拜火。。。通通都離。。。 當信教條係： １＋１＝２ （無其他） | |||||
尼采叫人「重估一切價值」，套用本例子，要人諗下究竟常人認為 1 + 1 = 2 係咪有問題，或是其他可能性。 呢個世界唔係大多數人話咁就係咁，識得反思既係好事。 好喇，回歸樓主既主題，將聖經既矛盾荒謬看成難題，然後推敲背後意義。 無話唔啱既，不過如果窮一生去咁做，會放棄世間其他美好事物啫。 就好似用返我所用既比喻1 + 1 = 5，如果真係有人對我所提出呢個算式深信不疑，分分鐘都會窮一生去推敲。 Sorry，我依家就話畀大家聽，我係亂噏既。 但可能我既「信徒」仲係唔信：「咩亂噏呀？一定有啟示！」 好啦，你自己慢慢玩落去。 至於各自執於自我的真理，釀成戰爭，就是大家都捍衛自我的1 + 1 = N（N = any number），並嘗試將之加諸其他人身上。 請留意「嘗試將之加諸其他人身上」，如果無呢個條件，係唔會釀成衝突同戰爭既。 我原本既說話，係「唔會」「糾正」你哋一定要跟1 + 1 = 2，你地要相信1 + 1 = N，N 可以係2以外既所有，甚至 1 + 1 = 屎 都可以。 最後，我係唔會利用我既個人魅力，去建立1 + 1 = 5 或者 1 + 1 = 2 既信條，然後叫大家相信我，並且唔好相信其他算式。 正如我之前所講，我係唔會理你地既。 |
| « 1 | < | > | 5 » |