匿名
2012/10/27 21:33 
我同我F都唔系香港人，因为因缘际遇嘅关系，有个传教嘅香港叔叔去我F屋企传福音，因为香港叔叔系识我F个表叔嘅，所以就知道距间教会系正规教会，唔会系邪教。当时我都在场，因为人情压力，我同我F都信左基督，当时一起信嘅，仲有我F嘅爸爸，之后，香港教会个叔叔就时不时上来大陆，去我F屋企传福音，牧养我地。当时我都唔系好在意，觉得基督教都系唔错嘅，但系香港叔叔经常讲耶稣，我就唔多中意。一直到今年8月份，我F同距爸爸一齐去左香港教会受浸，当时我都霖住一齐去，但系因为签证问题我去唔到，但系9月份都系去左香港受浸，间教会系旺角嘅。受浸之后，个叔叔又一直叫我地参加教会活动，都系因为人情压力啦，我同我个F就参加左教会嘅女士相遇营。
     相遇营入面，用距地嘅话语来讲，就系好多好属灵嘅姊妹，帮助一D好似我地甘，不太有信心嘅人，帮助我地嘅灵命成长。个相遇营系3日2夜全封闭式嘅，每日都敬拜啦，听人讲见证啦，读圣经啦，之类。第二日开始，我就有一个感觉：好似传销，俾人恐吓同洗脑！当时我冇同我F讲，霖住完左，翻大陆先同距讲我嘅感受。
      点解我会觉得俾人洗脑呢，系因为，神唔中意人做一D神唔中意嘅野，例如煲剧、上网、打机。行街。总之就唔可以体贴肉体，体贴肉体就系罪，就要落地狱。但系，如果系甘嘅话，日常生活中，我真系时时刻刻都犯罪。再者，如果唔听神嘅话语，就要落地狱，我觉得俾人恐吓lor。
      点解我会觉得似传销呢，系因为，我一个信，好系好，但系最好就劝埋爸爸妈妈信啦，如果结婚，就要同基督徒结婚，我就话：大陆好难稳基督徒喔。距地就话：祈祷啦，神会预备，要有信心，要等。问题系，相遇营入面未婚嘅女士，距地都等紧主安排，重点系距地都30~40岁不等，难道我遇到一个合适嘅人，仅仅因为对方唔系基督徒，就放弃原本属于自己嘅幸福？fine,如果男朋友系基督徒，距地都会话，最好连男朋友屋企人都信主啦。我明白传福音系距地觉得好重要嘅事，但是，真系好似传销lor。
      好啦，基督徒对两性关系要求都好严格，系绝对反对同性恋嘅。但系起女士相遇营入面，我见到有好几个外形好似T嘅女仔，当然，唔可以以貌取人，距地表现得相当属灵。我F就叫我留意其中两个女仔，因为有两个女仔系戴情侣手表，当时我劝自己唔好霖甘多，可能人地感情好好呢，但系其中一个女仔嘅外表都系T。。。当一个姊妹上去讲婚姻时，距就要求我地等，唔可以同唔系基督徒嘅人一齐，唔可以婚前性行为，如果同唔系基督徒嘅人一齐或者婚前性行为，婚姻就唔会被祝福，就会被诅咒，听到我好惊，真系好惊，因为我男朋友唔系基督徒，而且短期内都唔会信教。之后个姊妹又讲，如果以后真系识到个心仪嘅男性，但系距又唔系基督徒，唔紧要，带距翻教会，俾牧师过目，等距信主，就可以发展，牧师话可以结婚，上埋婚前教育课程，就可以结婚。原来，基督徒嘅婚姻，系牧师决定而唔系双方自由发展。当时我就觉得好无稽。
      仲有个环节系除诅咒，俾一份野你，上面写左好多基督教认为系异端邪教嘅野同唔复合教义嘅野，包括佛教，天主教，讲大话，同性恋等等等等。夸张嘅系，连孔子孟子荀子庄子老子，都起其中。身为中国人，连孔子都认为系诅咒嘅一个原因，甘同忘本有咩分别，我真系理解唔到。我就问一个姊妹点解连孔子都系异端啊？姊妹话：因为孔子俾人造成偶像，有人去拜。
      最后，距地仲教我地领受方言，当时距地好似念咒语甘，我觉得好恐怖。有个姊妹帮我祈祷，一面用方言祈祷一面叫圣灵充满我，后来我觉得企起度又唔讲好似唔系几好，米跟住距甘讲，距地就话我领受左方言系因为圣灵充满左我。呃。。。其实，我觉得系我跟住距讲。。。lor。。。
      翻来大陆，我精神状态非常差，因为相遇营嘅关系，我之前所以嘅世界观，人生观，价值观，都同教会发生好大冲突。继而，我又提出好多疑问，例如神爱世人，但系点解唔信距就要落地狱？圣经又点解释恐龙嘅存在？等等。总之，我觉得精神状态好差，甚至因为宗教问题，同原本感情好好嘅男朋友大吵几次，虽然宜家霖翻觉得好唔值得。我将我嘅疑虑同翻我个F讲，我个F去左相遇营之后，同我系两种情况，距经过3日嘅浸淫之后，更加相信基督，对我嘅疑虑系抱批评嘅态度。
      之后我就稳一D长辈同朋友倾述，当然，起基督徒眼中，我系稳紧撒旦魔鬼倾诉。长辈同朋友都支持我按照自己觉得舒服的方式生活落去，因为死后嘅事，冇人知，珍惜身边拥有嘅，珍惜眼下嘅生活先系重要嘅。宜家我稳到哩嘅网，见到好多同我一样嘅人，终于冇甘惊，其实我真系好惊落地狱，哈哈。
PS：点样为之离教？系米唔翻教会就得？希望有人话我知啦！THX！
yane
2012/10/27 21:41 
唔记得登录先发上来。。。
匿名
2012/10/28 12:15 
611靈糧堂?
抽刀斷水
2012/10/28 20:33 
回覆 1# Guest from 14.222.46.x


    離教既意思係返回沒有決過志／信過教的狀態，即是不再相信耶穌是神或救世主。

假如你現在就已經不相信的話，我便可把一樓的文章貼在網站中成為離教見證。
beebeechan
2012/10/28 20:51 
回覆  Guest from 14.222.46.x

離教既意思係返回沒有決過志／信過教的狀態，即是不再相信耶穌是神或救世主

抽刀斷水 發表於 2012/10/28 20:33


真係無改錯名，　見水你就抽

帖主無話「不再相信耶穌是神或救世主」啵，　
成篇文都係在說教會人處事，　講話的方法好恐佈
哈佛專家
2012/10/28 21:17 
支持樓主離教......佢地ge傳教手法係錯ge

我都係因為我中意佛教，好多基督教朋友視我為異端......

天主教的態度好一些，但係都一樣有摩擦，主要天主教不同意我保留觀音信仰
beebeechan
2012/10/28 21:20 
本帖最後由 beebeechan 於 2012/10/28 21:22 編輯
天主教的態度好一些，但係都一樣有摩擦，主要天主教不同意我保留觀音信仰
..
哈佛專家 發表於 2012/10/28 21:17


咁你咪專心拜觀音囉...
好事黎唶.
兩個揀一個, 唔係咁難唶
拍拖時, 你可以有幾個女朋友,
拍拍下, 愈親蜜時便要減去一些,
最後..
你都唔可以同時娶兩個老婆哩....係咪
抽刀斷水
2012/10/28 21:26 
真係無改錯名，　見水你就抽

帖主無話「不再相信耶穌是神或救世主」啵，　
成篇文都係在說教會人處事， ...
beebeechan 發表於 2012/10/28 20:51



    我係解答緊樓主問既"點樣為之離教"，並唔係你所講既抽水。

仲有beebeechan版友提提你，請在本區貼文前參閱本版宗旨及版規，有違反宗旨或版規的言論將會被移走，謝謝。
beebeechan
2012/10/28 21:35 
仲有beebeechan版友提提你，請在本區貼文前參閱本版宗旨及版規，有違反宗旨或版規的言論將會被移走，謝謝。
..
抽刀斷水 發表於 2012/10/28 21:26


唔岩聽既咪鏟走佢囉.
抽刀斷水
2012/10/29 12:22 
回覆 6# 哈佛專家


    中國人的宗教體系：儒、釋、道，都是傾向合一。正如一般普羅信眾往往搞不清楚拜黃大仙、車公是屬於哪個教一樣，觀音、關公、土地公、佛祖等也在一起上香。
哈佛專家
2012/10/29 19:53 
就係咁講。最弊係信奉天主教或基督教的天基或基基都十分排斥佛教和道教。甚至排斥儒家。跟中國文化格格不入呢。
匿名
2012/10/29 23:21 
你可以查查"靈恩亂像" 這個可以幫到你

你上的教會看來是有點偏和極端
64891687
2012/10/31 19:25 
版主還未回来復？
yane
2012/10/31 22:31 
本帖最後由 yane 於 2012/10/31 23:07 編輯

回覆 3# Guest from 203.210.0.x


    唔系啊，弥敦道附近嘅
yane
2012/10/31 22:32 
回覆 4# 抽刀斷水


    我好想返回冇决志过嘅生活，但系咩地狱啊，诅咒啊，搞到我好惊啊！！！而且，神迹？我真系feel唔到lor。。。
yane
2012/10/31 22:33 
回覆 11# 哈佛專家


    系啊。。。经常话你系咩异端啊，撒旦魔鬼啊之类的。。。。
yane
2012/10/31 22:34 
回覆 12# Guest from 218.103.158.x


    咩来嘎？唔知大陆哩边查唔查到喔，好多关于福音嘅野，大陆网站都系拦截嘎
64891687
2012/10/31 22:43 
回覆 17# yane


    你有否看過我發給你的信息?
yane
2012/10/31 22:47 
回覆 18# 64891687


    睇到啊，不过个line好似唔得
yane
2012/10/31 22:50 
回覆 20# 64891687


    呃。。。唔好意思问句，你系离左教？定系做卧底嘎？？？