逃出魔幻紀
2021/1/8 10:50 
本帖最後由 逃出魔幻紀 於 2021/1/8 11:42 編輯

「但這裡真的很恐怖哦~~離教後就變成這樣，倒不如繼續信，起碼聖經教人做好人。」， 刹華貼喺本討論區嘅呢段天籟強音，百聽不厭，使我一上「離教」就自自然然諗起佢。所以，我而家開始明白到某兩位網友點解日日喺度重複講一兩句說話，因為喺「凱撒歸凱撒，天主歸天主」嘅機制下，我哋相方都分別被凱撒同天主深深觸動靈魂，情不自禁進入不同角色一齊光榮天主。

「我的弟兄們，你們中誰若迷失了真理，而有人引他回頭，該知道，那引罪人從迷途回頭的人，必救自己的靈魂免於死亡，並遮蓋許多罪過。」（雅各伯書5:19-20）

雅各伯宗徒呼籲基督徒要引領迷途嘅離教者回頭，救人之餘亦「必救自己的靈魂免於死亡，並遮蓋許多罪過」。因此我喺度諗：本討論區嘅反基者以反派角色拯救咗刹華嘅靈魂，會唔會都分到多少上述利益呢？

開講有話「救人一命勝造七級浮屠」，更何況救一個靈魂。討論區從網主到網友全體，咁多年嚟日日咁辛苦喺度又防黑客又打字又諗嘢又勞氣嗌交，所為何事？刹華嘅靈魂獲救一事已經揭開咗答案，大家嘅努力確實物超所值。
哈佛專家
2021/1/8 11:23 
信耶穌不如信觀音，離教是最佳利益。
leefeng
2021/1/8 11:42 
本帖最後由 leefeng 於 2021/1/8 11:43 編輯
「但這裡真的很恐怖哦~~離教後就變成這樣，倒不如繼續信，起碼聖經教人做好人。」， 刹華貼喺本討論區嘅呢 ...
逃出魔幻紀 發表於 2021/1/8 10:50


等我又来踢爆基督徒的虛偽！
不要扮唔知呢件剎華已經是老基督徒了？
2016年已經在香討傳教，一個成精的老基督妖怪，來離教扮剛信基督教的初哥？


兩件基督教徒玩互扯貓尾？
一個扮“哎喲這裡很恐怖”，一個扮 “哎喲，呢個初哥好彩冇離教，救番佢既靈魂”？


基督教徒的確個個都夠資格去劇團表演……【馬騮】戲：扮！
一日唔造假就會死？ ！





.
逃出魔幻紀
2021/1/8 12:24 
等我又来踢爆基督徒的虛偽！
不要扮唔知呢件剎華已經是老基督徒了？
2016年已經在香討傳教，一個成精的老 ...
leefeng 發表於 2021/1/8 11:42


你追住我，雖然學到的粉紅色係以外嘅歷史同文化，但係吸收得唔全面，有啲可惜。建議你重溫我介紹嗰個youtuber講老粉紅小粉紅嗰條 link，你俾佢講中曬：「只要係粉紅人，對人對事嘅判斷就一定冇次準」。所以我鼓勵你繼續努力，吸收全面啲。你或者請教下旁觀者，佢吸收得比較快，聽我同沙文嘅對話就學識咗熟練噉使用閃電九鏈鞭。

就算刹華2016年係香討傳教，點解就係老基督徒呢？你連佢幾時開始信都未知，你連聖經都未讀過就武斷噉話佢係成精嘅……，信咗幾年嘅人點解就唔會離教呢？信左成世嘅人都會離教架。就算未受洗嘅信基督嘅人，按照基督嘅指示都應傳福音，刹華傳福音有乜咁成精唔成精？呢個就係我講「如果你識得聖經就會明白……」嘅原因，亦都係凡粉紅都會唔識學習唔識思考亂噏一通嘅原因。所以希望你明白並繼續努力長進。以下請你參考下刹華喺本討論區嘅自白：

『我唔知我算唔算離左教~~~請版主鑑定？

係咁的，我二零一二年決志信主，二零一五年受洗，但我一直都無好好咁返教會，返下又離開下，究竟我係咪基督徒呢？話說，我剛信幾個月，就離開教會，之後我間教會既教友親自上黎我屋企搵我，當時我仲覺得好溫暖，之後……慢慢地我發現教會的人都好偽善，假關心，我係教會裡面識唔度朋友，當我再次離開教會，佢地都無再搵我了，之後我斷斷續續返下教會，我經常提出一D聖經問題問佢地，佢地就話我同初信時無變過，信主咁耐你信左D麥？

又曾經有教會入面既幹部話我，我同一位詩琴姊妹唔岩，果位幹部就話我：「你激嬲左詩琴啦，你好好反醒，你同詩琴唔使問我地都會揀佢啦。」我當時好傷，感覺自己係教會咁耐都無咩用，融入唔度佢地，之後教會又大地震，教會分裂了，果位幹部帶人離開，另起爐灶，果時我已經對呢間教會心淡，佢地分裂係佢地既事，唔關我事，咁樣係咪證明呢間教會有問題？

至於聖經，我成日都睇唔明，問題多多，我曾經比一位傳導人話：「你問我做麥，呢D問題你應該問神呀嘛？問我？」我覺得佢地好不負責任囉，我係問神有答案既話就唔使返黎問教會啦，係你地個神唔答我呀！！

所以，我根基都唔係咁穩固，當然，我係信有神的，我相信呢個世界有一位主宰，但係唔係聖經當中果位神，我一直有疑問。

自從上年爆發新冠肺炎後，教會聚會就停左，我亦無再返教會了，黎到而家，我覺得信神唔一定要返教會，教會只不過係一班人係度搞小圈子，同耶穌初初建立既教會好唔同！！或者係時代變遷，教會都變了質！！』
leefeng
2021/1/8 14:05 
本帖最後由 leefeng 於 2021/1/8 14:12 編輯

又一大堆：廢up！
什麼粉紅色？粉綠色？
不過呢句不錯：信左成世嘅人都會離教架！


性經唔啱正經人睇，唔好亂介紹俾人，會害死人架。
基督教已經害到香港青少年雞毛鴨血，基督教徒不要再扮好人了！
基督教徒扮純真，等于狼扮無辜的羊，我們見得太太太多了。








抽刀斷水
2021/1/8 14:53 
世界真係好大，而且並不單純，要溫室小花瞬間到大風大雨既環境裡面生活，係好危險既。

離教，我形容為係一種跳出comfort zone既行為，驚既就梗係縮返入去啦。

所以剎華見到這裡的版友就害怕，我都建議佢信返教好過喇，起碼神職人員講一句，都唔駛點諗佢係曲定直丫。
逃出魔幻紀
2021/1/8 16:05 
世界真係好大，而且並不單純，要溫室小花瞬間到大風大雨既環境裡面生活，係好危險既。

離教，我形容為係一 ...
抽刀斷水 發表於 2021/1/8 14:53


教會絕對唔係comfort zone，亦起碼唔係「神職人員講一句，都唔駛點諗佢係曲定直」咁簡單，你睇見刹華多次兜兜轉轉咁頭痕就知啦。
我成日講教會係由罪人組成嘅團體，呢個團體雖然有耶穌基督帶領，但係如果成員缺乏信、望、愛德，喺教會入邊絕對仲confuse過喺自由嘅社會。
抽刀斷水
2021/1/8 18:24 
講到返教會既人經過好多風浪咁，但點解剎華黎到呢度又咁驚青？呢度無色情暴力違法既野喎，互聯網呢啲多的是啦，教會都唔少喎。

如果教會入邊仲confuse，咁黎到呢度應該覺得好平安喜樂先啱。
逃出魔幻紀
2021/1/8 22:24 
講到返教會既人經過好多風浪咁，但點解剎華黎到呢度又咁驚青？呢度無色情暴力違法既野喎，互聯網呢啲多的是 ...
抽刀斷水 發表於 2021/1/8 18:24


呢度係世界嘅「自由」社會嘅縮影，只要唔違反世界嘅法律，就會覺得輕鬆自在無拘無束，甚至喺法律嘅框架內儘量做出損人自肥嘅行為而沾沾自喜；但刹華嘅良心唔滿足於只符合世界嘅法律，佢用基督寫於人心嘅法律一量就覺得呢度好恐怖。呢個就係聖經入邊講法利塞人同基督徒嘅分別。
你唔係信佛嘅咩？如果佛教徒不只流於表面食齋唸經而要喺身、口、意都符合五戒十善，嗰種張力你體驗過未？唔少經過長期修行嘅出家人都變成行為古怪甚至還俗，都講明認真修行要「經過好多風浪」同confuse。我理解及同情佢哋嘅初衷同努力，呢個月都係我「尊重正在努力尋求真理的人的良好意向」嘅原因。
抽刀斷水
2021/1/8 22:57 
你好似剎華心裡面條蟲咁，咁如果呢度係世界既縮影，咁佢即係唔適應世界，要返入去comfort zone既啫。咁之前你又話教會唔comfort，咁佢邊度都唔駛去了。

之前被人屈我係反基，依家我又被人屈我信佛。我駛唔駛响signature寫明：我不是反基，我不是信佛……
逃出魔幻紀
2021/1/9 00:03 
你好似剎華心裡面條蟲咁，咁如果呢度係世界既縮影，咁佢即係唔適應世界，要返入去comfort zone既啫。咁之前 ...
抽刀斷水 發表於 2021/1/8 22:57


『法學士……對耶穌說：「畢竟誰是我的近人？」耶穌答說：「有一個人從耶路撒冷下來，到耶里哥去，遭遇了強盜；他們剝去他的衣服，並加以擊傷，將他半死半活的丟下走了。正巧有一個司祭在那條路上下來，看了看他，便從旁邊走過去。又有一個肋未人，也是一樣；他到了他那裡，看了看，也從旁邊走過去。」但有一個撒瑪黎雅人，路過他那裡，一看見就動了憐憫的心，
遂上前，在他的傷處注上油與酒，包紮好了，又扶他騎上自己的牲口，把他帶到客店裡，小心照料他。第二天，取出兩個銀錢交給店主說：請你小心看護他！不論餘外花費多少，等我回來時，必要補還你。你以為這三個人中，誰是那遭遇強盜者的近人呢？」那人答說：「是憐憫他的那人。」耶穌遂給他說：「你去，也照樣做罷！」（路10:29-37）
如果你明白司祭、肋未人系乜嘢人，佢哋點解掂行掂過唔救傷者，明白撒瑪黎雅人係乜野人，兼明白耶穌點解要提呢三個人，你就會明白我講法利塞人同基督徒嘅分別嘞。
我姑且將司祭同肋未人比喻為刹華華本討論區好恐怖嘅人，將撒瑪黎雅人比喻為刹華，噉即係話「掂行掂過唔理傷者」係剎華唔適應嘅世界，而「為傷者敷藥包紮、扶佢上馬自己行路帶佢去客棧、小心照料兼出大錢交托店主代為照顧」係佢要返入去嘅comfort zone。
我咁樣講希望你睇得明。
你一向好認同哈佛嘅佛教觀點，又話bingo又話人同此心心同此理之類，你自己都發表咗好多類似佛教嘅觀點，所以俾我係偏向信佛嘅感覺，所以咪用問句向你證實下囉：「你唔係信佛嘅咩？」，你咁鍾意話人屈你嘅，唔通玻璃心係本討論區特點？
leefeng
2021/1/9 01:49 
『法學士……對耶穌說：「畢竟誰是我的近人？」耶穌答說：「有一個人從耶路撒冷下來，到耶里哥去，遭遇了 ...
逃出魔幻紀 發表於 2021/1/9 00:03

寫聖經的，或你，，在這件事/這個場合/做緊筆記紀錄，的確一清二楚！




.
旁觀者
2021/1/9 02:29 
基督徒均有精神病，一睇剎華寫嘅嘢，就知係其中一個。佢響離教者之家睇到：
    「上帝將他們（異族）交給你（以色列人）擊殺，那時你要把他們滅盡，不可與他們立約，也不可憐恤他們。不可與他們結親，……。」《申命記》7：2
    「將凡有氣息的盡行殺滅。」《約書亞記10：40》
    「並且你們要喫兒子的肉，也要喫女兒的肉。」《利未記》26：27
    「弟兄要把弟兄、父親要把兒子，送到死地。兒女要與父母為敵，害死他們。」《馬太》10：21
    響精神錯亂之下，以為係反邪者講嘅嘢，就ve 嘩鬼叫，大叫「太恐怖了」。
旁觀者
2021/1/9 02:30 
把他帶到客店裡，小心照料他
逃出魔幻紀 發表於 2021/1/9 00:03

    講咁多都未學到一啲嘢，爺爺叫過你幾多次開門俾流浪漢入屋企住，你都唔肯，重嘥咁多口水做啥呀。
抽刀斷水
2021/1/9 10:23 
你一向好認同哈佛嘅佛教觀點，又話bingo又話人同此心心同此理之類，你自己都發表咗好多類似佛教嘅觀點，所以俾我係偏向信佛嘅感覺，所以咪用問句向你證實下囉：「你唔係信佛嘅咩？」，你咁鍾意話人屈你嘅，唔通玻璃心係本討論區特點？
逃出魔幻紀 發表於 2021/1/9 00:03



    你都無解既，我都認同十誡中要尊敬父母同不可謀殺，唔通我又係基督徒咩。

屈完人仲話對方做乜咁玻璃心，道歉都無一句，我諗我要重新評估一下你既人格。
逃出魔幻紀
2021/1/9 11:24 
[quote]屈完人仲話對方做乜咁玻璃心，道歉都無一句，我諗我要重新評估一下你既人格。

抽刀斷水 發表於 2021/1/9 10:23 [/quote]確實係要重新評估。的確係我唔啱，慎重就此向你道歉。對唔住！

呢個情況亦都解釋咗你講嘅「唔適應嘅世界」同「comfort zone」嘅關係，喺離教者之家呢個「唔適應嘅世界」，非基督徒同反基者屎尿屁毛點講都冇問題，我俾人鬧到狗血淋頭都屬正常嘅事，因為人間法律冇禁止呢的嘢；而我呢個基督徒，稍微受論壇氣氛影響而對他人作出與事實有出入嘅論斷，即刻成為罪狀而受到指責。而事實上，無論論斷與事實相符與否，論斷他人的確已屬犯罪，唔係世間嘅罪，而係違反咗天主耶穌基督嘅誡命。
係咪好清楚？呢個「comfort zone」係咪好唔comfort？正如你用對其他網友唔同嘅要求嚟對我一樣，刹華見到教會入邊從牧者到教友嘅行為都同佢想像中嘅天國comfort氛圍有好大出入嘅時候，係咪會好confuse？佢如果佢被嗰的佢覺得人格唔係咁掂嘅人批評佢自己嘅人格嘅時候，你係咪好confuse ？佢如果要堅持繼續留喺教會，呢個壓力係咪大過出便世界嘅社會？

多謝校長你嘅鞭策，請繼續監督我，再次向你道歉。
抽刀斷水
2021/1/9 12:06 
知恥近乎勇，我畀個like你。

有啲人要將人stereotype，咁就方便因應呢啲印象，容易有相應既態度，例如我都會有印象上海女人好惡，山東女人好大隻，台灣女人好容易移情別戀……等等，縱然你會覺得我與反基無異，事實我如果係反基，呢度就唔係離教者之家，而係反基督帝國了。

我形容自己係freethinker自由思想者，所以點都唔會信硬某種單一思想架喇。

同埋要討論某人係咪反基，要定好反基的定義才行。

舊作請一看：

根據維基百科全書，反基（Antichrist，又稱「敵基督」、「反基督」）是邪惡的化身和完全與真理違背的一個人或一個個體。

在新舊約全書中只有以下地方提及反基：

1. 誰是說謊話的呢？不是那不認耶穌為基督的嗎？不認父與子的，這就是敵基督的。〔約一2:22〕
2. 小子們哪，如今是末時了。你們曾聽見說，那敵基督的要來；現在已經有好些敵基督的出來了，從此我們就知道如今是末時了。〔約一2:18〕
3. 凡靈不認耶穌，就不是出於神；這是那敵基督者的靈。你們從前聽見他要來，現在已經在世上了。〔約一4:3〕
4. 因為世上有許多迷惑人的出來，他們不認耶穌基督是成了肉身來的；這就是那迷惑人、敵基督的。〔約二1:7〕

根據以上經文，反基就是不認耶穌為救主的人，「不認」是指「否認」、「不承認」，即必須是曾經接觸基督教、或已了解基督教，而又不信基督教的人。這似乎與維基百科與及我們的一般日常的用法有所不同。

而以中文字面解釋來說，反基就暗示有「反對基督教」的人的意思。如果真的這麼定義的話，就要考慮以下問題：
1. 反基是指反對基督教？是反對與基督教的所有人和事物？還是反對與基督教的部分人和事物？
2. 反基是指反對基督徒？是反對所有基督徒？還是反對部分基督徒？
3. 反基是指反對教會？是反對所有教會？還是反對部分教會？
4. 反基是指反對基督教教義？是反對所有基督教教義？還是部分基督教教義？

以上都似乎都沒有一致的共識。

從動機上來說，反基亦可被演譯為「企圖消滅基督教」的人，又或者從感覺上來說，反基是指「對基督教反感」的人。但是，只以動機或感覺來定義，卻又嫌不夠精確。

以教會或教徒觀點來說，「反基」的言行會對教會或教徒在推廣基督教上構成障礙，然後他們就會被指責為不符合教義，並與「魔鬼」、「邪靈」等扣上緊密關係。
抽刀斷水
2021/1/9 12:11 
講咁多都未學到一啲嘢，爺爺叫過你幾多次開門俾流浪漢入屋企住，你都唔肯，重嘥咁多口水做啥呀。 ...
旁觀者 發表於 2021/1/9 02:30



    或者人地屋企成屋都係流浪漢啦，近日咁凍，如果佢做得到，我會好尊敬佢架。
逃出魔幻紀
2021/1/9 15:55 
知恥近乎勇，我畀個like你。

有啲人要將人stereotype，咁就方便因應呢啲印象，容易有相應既態度，例如我都 ...
抽刀斷水 發表於 2021/1/9 12:06


可能令你誤會咗，我並非因為話你「反基」而道歉，而係就我話你「玻璃心」say  sorry，我對你「反基」嘅睇法冇改變。
因爲我講玻璃心係論斷你嘅內心，其實你個心脆唔脆弱，我係唔應該憑你講一兩句「屈」而作出判斷嘅。我成日話本網嗰啲老粉紅係玻璃心，係基於「男女老少粉紅戰狼」一貫以嚟大量嘅言行表現出佢哋都係玻璃心呢個世界公認嘅事實，而唔係估估下。同樣道理，我話你反基，係以聖經為基礎，以離教網嘅設置模式同埋你嘅言行，去作出判斷，我對呢個睇法並冇改變。
逃出魔幻紀
2021/1/9 16:00 
或者人地屋企成屋都係流浪漢啦，近日咁凍，如果佢做得到，我會好尊敬佢架。 ...
抽刀斷水 發表於 2021/1/9 12:11

我有冇幚流浪漢、點幚流浪漢，唔需要同人交待。將流浪漢作為調侃嘅話題唔道德。