人生，真係要及時把握機會
| « 1 | < | > | 17 » |
"what is your reception girl's name?" 佢黑口黑面“Go home, she's mine.” I took his advice. 返屋企途中我諗到，笨7咗嘞！雖然我思考嘅方向係啱嘅，佢問我有冇嘢問，冇話問題要同手術有關，但係我就只係諗到問一個at that moment有興趣的問題，而唔記得咗一個多年來深藏心底嘅疑問. And he is the right person for my question. 我嘅問題都醞釀咗好耐。開始於天主教小學嗰個8婆先生，佢除了話畀我聽人臨死若果唔信耶穌就會好騰雞，仲講過人有靈魂，動物就冇靈魂。嗰時我唔知靈魂係乜嘢，又唔識這兩個字。有個同學仔話我聽“咪即係鬼咯，琴晩粵語長片包公審烏盆，裡面梁醒波就係1隻鬼，你有冇睇？” “有。”但我冇話佢聽我睇咗一陣，一到梁醒波個樣在烏盆出現我就唔敢睇，嗰晚要攬實阿媽瞓。 大個尐，夠膽睇鬼片，覺得8婆先生講得有道理，鬼片裡面嘅鬼都係人死變的，從來冇睇過動物死咗變鬼。（後來睇過一齣Pet Sematary, Stephen King小說拍戲，但很後期了） 後來又大個尐，我漸明白佢地嘅theory: 我識行識走，係因為被我嘅靈魂control，生歐歐嘅時候，靈魂同肉體協同運作，香咗之後靈魂就獨立運作。而我諗衰嘢，隔離位女同學今日底褲咩色，點解英文miss好似冇戴乳罩？……都係我嘅衰靈魂負責。 再大個尐，學人飲酒，試過好多次飲到啤啤俘斷咗片，就會連靈魂都犯唔到罪。後來做過兩次手術全身麻醉，都係好似斷片咁，乜都冇得諗，期間係犯唔到罪的，唔同瞓覺，發夢都會有時夢見同師妹從前的旖旎纏綿，夢見同Susanna車震……斷片時就唔會有這些犯罪思想。 我用Inductive reasoning, 得知飲醉酒同全身麻醉，都係連靈魂都醉埋。我相信人被一棍扑濕，靈魂都暫停運作，其他情況如in shock, low blood suger等等，都會令靈魂停擺，不過我未試過不敢妄下判斷，請有類似經驗網友分享。 從多方面訊息滙集得知，瓜老襯，靈魂就會飛出來。例如: 保祿下來，伏在他身上，抱住他說：「你們不要慌亂，因為他的靈魂還在他身上呢。」 於是，我有問題：若果大吉利是，我在手術枱上香咗，咁，當時我被麻醉了，靈魂都被麻醉了，我點L知自己香咗呢？靈魂係咪要等到麻醉劑藥効消退先會醒？定係若果咁就永遠唔醒？還是一死即醒？如何整醒被麻醉了的靈魂…… 最關鍵問題係：點解麻醉劑可以麻醉埋靈魂？What I actually mean is, 麻醉劑應該係影響身體physical方面，而靈魂係spritual方面，我唔明兩者如何connect, 以致麻醉劑的藥力撈過界。 我錯過咗機會問anesthesiologist，但係唔緊要！手術嗰陣我都會見到佢嘛。 到手術嗰朝早，我入手術室，的確見到佢同手術醫生，我打個招呼先，打完就想問問題，點知有個靚護士行埋黎，睇下我bracelet確認身份，可能佢又小心得滯，再問清楚“Mr Sha, it is the left eye we're operating on, correct?” 見到靚女我嘅衰靈魂又發作，忍不住撩佢一句“I should have make a tattoo here for you, save you guys from another medical lawsuit.”此時醫生揸支唔知乜劃我隻眼“Here comes your tattoo.” anesthesiologist可能嫌我多口, 報仇咁報shut me up. 佢喺我先前已插住的IV喉搞一搞，我馬上眼前一黑，暫時犯唔到罪。原來只要將麻醉藥駁落IV就即刻見效,唔駛3、4秒！ 又錯失了一次問問題的機會。 我呢世應該還會有做手術的機會卦？不過唔知幾時，我都唔知應該希望快尐定耐尐好。 --------------------------------------------------------------------------------------- 注：我記得從前兩次做手術麻醉前會叫我count down from 10, 大概數到6就犯唔到罪，唔知點解今次費L事咁。後來我check過原來好多人都係咁，未必會叫你倒數，唔係佢特別對我有意見。 https://www.boredpanda.com/countdown-anesthetic-anesthesia-funny-stories-surgery/?utm_source=google&utm_medium=organic&utm_campaign=organic | |||||
麻醉會唔會影響靈魂就唔知，但患有老人痴呆既人，連以往記憶都冇咗，咁個靈魂仲記唔記得呢？ 我本身就係反對靈魂存在既，啲人見到鬼，係會見到赤條條唔著衫，定係有衫著既呢？ | |||||
| |||||
唔知同樣有無人憾親頭, 就由不信神變咗保祿咁呢 | |||||
https://en.wikipedia.org/wiki/Mental_health_of_Jesus | |||||
所謂耶穌基督信仰原來只是一個瘋子的信仰 基督教=瘋子教 | |||||
真係有啲short short 地。 有天國太子唔做，走嚟人間俾人蹧質。 | |||||
| |||||
佢有12營天兵俾佢指揮架喎。 唔係自願既話一早打殘班羅馬佬哩。 當年耶路撒冷被亞述兵圍城，城破在即，一個天使就劈冧18萬亞述兵。 12營…… | |||||
若果佢真係有兵權就唔使喊苦喊忽啦 我個仔細時食藥水夠係咁話: 嗚嗚嗚....老豆求你撤去這杯, 但不要從我的意思,要從你的意思 | |||||
當日你同蘿莎蓮初次上床時，佢都話你好衰架、唔好咁哩，但不要從佢的意思,要從你的意思 | |||||
釘下十字架幾咁閒，spartacus咽陸幾千人一齊釘都冇聽過有人喊若喊窟 | |||||
扭扭擰檸咁先係有人性....係良家婦女, 隣家女孩 唔通好似你去叫 雞姐話:亞叔, 唔該快手啲出火...我仲有客等緊下埸 | |||||
我呢個考證合情合理AI都話冇破綻卦？ | |||||
人幾時開始有靈魂嘅呢? 我唔知邊個宗教有講明呢樣嘢. 係條蟲捐入去個蛋嗰個moment開始 還是出世嗰陣喺個tunnel度捐出嚟，上帝趁機塞個靈魂入去? 我睇戲係有講㗎, 不過睇完都唔係好明 | |||||
| |||||
這個疑問背後是否隱藏不良甚至邪惡動機? 把人有靈魂的時間推後....推到「喺個tunnel度捐出嚟的moment?」先係叫人, 有靈魂, 咁就可以把墮胎合理化, 減少良心不安, 罪過感? 有仔襯嫩生, 有胎襯早墮 | |||||
大昏迷的也有靈魂,或者好似電腦病毒咁, 存在在記憶體中...但不一定會發作, 即使在運作也不為你所覺。 | |||||
我本身就冇嘅意圖。不過若果您講解得好令我明白原來我嘅靈魂係跟住我老豆條蟲捐入去阿媽隻蛋，I'll stand with you.因為我自己都唔記得。（順便問埋點解新捐入去的靈魂冇memory,經書又係冇解釋）點解有靈魂而冇memory | |||||
你呢啲係幾男人主義, 你以為你本來係條虫嚟? 而唔係本來係亞媽隻蛋 點解唔係個靈魂係亞媽隻蛋到, 當條虫捐咗入去時才激活? |
| « 1 | < | > | 17 » |