戰爭有正義與否之分 引大衛王例稱上帝曾垂聽作戰禱告
| « 1 | < | > | 2 » |
2026年4月10日星期五 上午10:08 著名佈道家葛培理之子、撒瑪利亞救援會首席執行官葛福臨（Franklin Graham），近日就教宗有關戰爭與禱告的言論作出回應，指出上帝曾垂聽作戰中的禱告，並強調戰爭存在「正義與否」之分。 教宗良十四在於3月29日棕枝主日彌撒中發表講話，指出稱耶穌基督是「拒絕戰爭的和平之王」，並強調「上帝不會垂聽發動戰爭者的禱告」，並引用《以賽亞書》1章15節指責流血之人的禱告不蒙垂聽。 反駁良十四：上帝垂聽大衛爭戰中的禱告 然而，葛福臨於3月31日接受電視節目《皮爾斯摩根不設限》（Piers Morgan Uncensored）訪問時以聖經中的歷史典故反駁了教宗的言論。他指出上帝曾垂聽大衛王在戰爭中的禱告，更賜下智慧引導其作戰。他說：「大衛曾求上帝訓練他的手爭戰，我們看到上帝確實與他同在，並在多次戰役中引導他。」 按葛福臨的說法，上帝沒有一面倒反對戰爭。但他強調自己並不支持戰爭，亦盼望和平，但他認為在對抗邪惡時某些情況下存在使用武力的「正當理由」。他又以第二次世界大戰為例說明有「正義的戰爭」。他評論當前國際局勢時，認為伊朗政權對世界是構成威脅。 同場嘉賓、以色列前政界人士伯格（Avraham Burg）則持不同觀點。他指出《聖經》同樣記載大衛王因手染鮮血未被允許建造聖殿，顯示上帝對暴力的審慎態度。他認為在面對當代國際議題時，應將外交政策與末世論觀點加以區分，以避免將信仰詮釋簡化為政治立場。 應區分外交政策與末世論觀點 節目亦觸及「基督教錫安主義」議題。葛福臨表示《聖經》並未提及「猶太人必須重返故土，基督才會再臨」的說法，但他認為上帝在《創世記》中對亞伯拉罕的應許仍然有效，並視1948年以色列建國為預言的應驗。 他又補充，以色列現今是一個世俗國家，不能將政府的做法等同於執行上帝旨意，但他相信未來以色列民終將接受基督信仰。 （主要來源：Christian Post） https://www.gospelherald.com/news/r3fumod9omiz 抽按：變色龍般的教義演繹，教人怎樣相信？ | |||||
唔係變色龍既教義，係唔知頭唔知路既讀經。 達味向天主禱告係問應唔應該向培肋舍特人開戰以保護以色列百姓。是得到天主正面啟示才出兵。 撒慕爾下 5：19 上主回答達味說：「你上去，我必將培肋舍特人交在你手中。」 阿特朗普唔係咁喎，佢先出兵，然後先話搵天主認同喎。 天主都要聽特冇譜指點架咩。 | |||||
特朗普點解冇一班擦鞋掹車邊既基督教牧師傳導員呢 | |||||
1. 特朗普又唔係信徒，點解有義務要聽上帝支笛？ 2. 你又知特朗普之前冇求過神問好冇出兵？ 3. 上主回答達味說可以出兵，咪即係有正義嘅戰爭囉，咪就係葛福臨講嘅"戰爭存在「正義與否」之分"囉，你個上主唔係叫個達味做啲唔正義嘅野跣佢一鑊下話？ 4. 特朗普有個天主教徒副手JD萬斯嘛，仲洗乜要你口中果啲邪魔外道基督教牧師傳道人？人地萬斯什至敢公開講希望自己太太信天主教呀，夠唔夠虔誠呀？ 我睇你就唔知頭唔知路啦。 | |||||
唔係信徒唔使聽時, 但係又要請上帝嚟吹笛啵。 | |||||
特朗普有個天主教徒副手JD萬斯嘛，仲洗乜要你口中果啲邪魔外道基督教牧師傳道人？人地萬斯什至敢公開講希望自己太太信天主教呀，夠唔夠虔誠呀？ 咁好明係天主教唔罩佢, 要幫襯第二間...A 貨都殺咁喇 | |||||
上主回答達味說可以出兵，咪即係有正義嘅戰爭囉，咪就係葛福臨講嘅"戰爭存在「正義與否」之分"囉，你個上主唔係叫個達味做啲唔正義嘅野跣佢一鑊下話？ 你係咪「占」頭倒腳咁睇野既呢 天主教兩大神師聖奧斯定, 和聖湯馬士阿奎那討過何謂正義的戰爭。 為被侵略時自衛, 要保保護無辜的人, 停止某方出現的殺戮, 種族屠殺等...可以正義之戰。 為奪取資源 (阿特朗普話明係要攞人啲石油, ,鑛產開採權), 報復, 自大(MAGA)....就唔係正義戰爭。 特朗普中晒。 | |||||
或者係係咪咗黃大仙, 觀音菩薩, 甚至白沙屯媽祖, 搵愛潑斯坦俾條女三進三出...得條上上簽 | |||||
神又你鬼又你乜都你講晒啦，天主唔罩天主教徒，淨係罩你BBC吖嘛。 基督教原來同你天主教有一樣效力？係咪即係你教會之外有救恩？以前摩西點解又咁唔妥隻金牛A貨呢？ | |||||
我唔洗鳥你啲咩大師㗎，佢喺我面前冇權威㗎喎。 咁以色列人攻打耶利哥或艾城時，係唔知係侵略時自衛、要保保護無辜的人、停止某方出現的殺戮、種族屠殺邊一樣呢？定係唔正義？ 伊朗神權政府一個週末殺三萬示威群眾，咁除左美國，大家袖手旁觀，成件事對你黎講我諗算做正義啦。 喂我又聽講以前入迦南時係要取那留奶與蜜之地為業㗎喎，按你嘅講法應該唔算係正義之戰啦。 中唔中得晒？迴力鏢係咪好和味？你日日廢噏當秘笈，咪戇膠膠囉。 | |||||
聖奧斯定, 和聖湯馬士阿奎那呢啲大師唔係淨係天主教架喎, 佢哋發表論點時馬丁路德個曾曾祖父都仲未出世, 當時既教會亦係後來基督教既教會嚟啵。 佢地個哚又一定勁過乜乜「吳XX光」幾百倍 | |||||
乜你本聖經同我本真係好唔同架咩? 你本經無話攻打耶利哥, 艾城是上主吩咐以色列人做架咩 | |||||
好似我比你更唯獨聖經啵 經文唔係話迦南人行惡, 上主要把他們由這塊地「吐出來」咩? 呢個責任交咗比以色列人去完成喎。 | |||||
係咪作野, 作得大咗啲呢 | |||||
特朗普無話離教喎，仲開口埋口god前god後： https://en.wikipedia.org/wiki/Donald_Trump_and_religion | |||||
所以你就證明左自己生活喺中共嘅訊息繭房。 國際特赦、人權觀察，聯合國伊朗問題獨立國際調查團，聯合國伊朗人權問題特別報告員佐藤麻衣，全部都指出伊朗有反人類罪，向人群開火，致命武力，大規模拘捕。30000死亡人數係好多專家從醫療記錄推得。呢啲野，外國報紙報晒啦，你睇開CGTN？ 伊朗自己抵死，1 月開始斷左網，即係同出面人講，你鍾意點講都得。呢啲係普通嘅舉證妨礙原則啫，你妨礙人地取證，咁大家咪可以認定取證嘅人嘅主張囉。 伊朗自己封鎖資訊封鎖調查核實嘅渠道，其他人就再冇責任去為資訊嘅精確性負責㗎啦。 OK就算3萬有錯唔係準確，又點？你鍾意話其係2萬1萬，都只不過係假精確謬誤（false precision）啫。伊朗官方自己都認死左3千人，係咪殺3萬對你黎講就唔OK，殺區區3千就忽然疴泥？你地天主教徒即係認為死小小人冇所謂啦，係咪咁樣樣？咁我就明啦8964死得個23個，你地唔當係一回事囉。呀香港2019年係冇警暴嘅，果啲咩鄭柏林拗斷人手腕，7月21日黑社會暴打市民，8月31日警察暴打12歳小童，都唔算係囉，都冇死夠幾十幾百人，算得上咩一回事？ 基礎事實有根有據都要否認，其實有咩需要認為你講嘅野係有份量有內容㗎呢？係冇。 你嘅意思即係行惡俾土地吐出係天公地道。 咁喺度濫殺平民，俾人吐出有咩問題？ 同埋你對歷史其實有冇認知？毛拉政權根本唔係波斯本族，哈梅內依根本係阿塞拜僵裔唔係波斯裔，波斯裔嘅傳統宗教亦根本唔係毛拉回教而係明教，一班鵲巢鳩佔嘅極權係土地上濫殺平民，俾人炸死吐出，又有咩唔正義之有？ 我從來冇反對聖經喎，你識唔識推理㗎，所以上主吩咐嘅咪係正義㗎囉，即係連侵略嘅戰爭都可以係正義㗎囉，咁你仲嘈乜野："聖奧斯定, 和聖湯馬士阿奎那討過何謂正義的戰爭。為被侵略時自衛, 要保保護無辜的人, 停止某方出現的殺戮, 種族屠殺等...可以正義之戰。"喺你眼中聖經講嘅上主講嘅都還及唔上聖奧斯定聖湯馬士阿奎那？你地啲聖人咁大嘅陳聖？ 因為聖奧斯定聖湯馬士阿奎那好巴閉，早過你曾曾祖父出世，你就全聽佢講，聖經講乜你個上主吩咐以色列人乜都唔洗再理唔洗再諗？ 人地聖奧斯定聖湯馬士阿奎那講嘅就算數，果啲就叫正義，上主叫人侵略嘅就唔係正義，咁樣樣下話？ | |||||
哦原來佢係教徒，咁我又真係唔知喎，咁你引嘅維基都只係話得40幾巴仙美國人認為佢係基督徒，咁我相信解釋到我之前嘅錯誤認知吖。 | |||||
OK就算3萬有錯唔係準確，又點？你鍾意話其係2萬1萬，都只不過係假精確謬誤（false precision）啫。伊朗官方自己都認死左3千人，係咪殺3萬對你黎講就唔OK，殺區區3千就忽然疴泥？你地天主教徒即係認為死小小人冇所謂啦，係咪咁樣樣？咁我就明啦8964死得個23個，你地唔當係一回事囉。呀香港2019年係冇警暴嘅，果啲咩鄭柏林拗斷人手腕，7月21日黑社會暴打市民，8月31日警察暴打12歳小童，都唔算係囉，都冇死夠幾十幾百人，算得上咩一回事？ 哇, 乜掟人落街, 拗斷人手腕咁冇人道既事都有呀? 咁2019年特朗普大條道理派海軍陸戰隊登陸北角, 或者派海豹擄咗林鄭返去審喇。 可能香港鑽石山係冇鑽石, 油塘不出石油, 無興趣卦 | |||||
OK就算3萬有錯唔係準確，又點？你鍾意話其係2萬1萬，都只不過係假精確謬誤（false precision）啫。伊朗官方自己都認死左3千人，係咪殺3萬對你黎講就唔OK，殺區區3千就忽然疴泥？你地天主教徒即係認為死小小人冇所謂啦，係咪咁樣樣？咁我就明啦8964死得個23個，你地唔當係一回事囉。呀香港2019年係冇警暴嘅，果啲咩鄭柏林拗斷人手腕，7月21日黑社會暴打市民，8月31日警察暴打12歳小童，都唔算係囉，都冇死夠幾十幾百人，算得上咩一回事？ #4 你講咗4點, 我反駁晒4 點, 你又再回駁, 之不過又只係回得3點之喎, 嗰個MAGA, 係咪我講得好應棍, 你無瑕可串咁呢? | |||||
因為聖奧斯定聖湯馬士阿奎那好巴閉，早過你曾曾祖父出世，你就全聽佢講，聖經講乜你個上主吩咐以色列人乜都唔洗再理唔洗再諗？ 依.....依家好似你你好唔唯獨聖經啵, 上主在經上講既野你都話錯, 以色列人入迦南係侵略, 掠地, ....唔係聽上主指示去趕走邪惡的人出預許地. 你不如改口, 唯獨占尾喇.....全壇只有你一條友講得最岩 |
| « 1 | < | > | 2 » |