酒井明
2007/8/16 18:02 
坊間有很多幫忙解答愛情疑難的專欄作家；惟不是每位都有這種能力。如果閣下只看基督教書樓買到的愛情書藉，解答愛情疑難的話，我勸你現在就將它撕毀、丟掉，免受毒害。
不如選擇問我；我會幫你。
一、希望你能夠將你所遇到的愛情疑難寫得詳細一點，讓我可給你更好的意見。
二、一切現實資料，包括姓名、年齡，甚至性別，如果自覺不方便透露，均可留空或作假。我只需要你的愛情疑難。
三、我只會提供意見，最後的選擇權在於你。如果因為聽取我的意見，卻得不到預想的效果，請不要回轉頭來怪責我。
四、不論你是異性、同性戀者，無任歡迎。
五、由於要保持這裡的和諧氣氛，所以一些謾罵、侮辱的言論，及一些與愛情疑難、解答無關的言論，很抱歉，我很可能會全部刪除。
六、原則上，其他人私下為網友解答愛情疑難的言論是禁止的；不過這種言論有很大的酌情權。
還是問我吧。

[ 本帖最後由 酒井明 於 2007-8-18 16:54 編輯 ]
抽刀斷水
2007/8/16 22:18 
幫襯一下先。

有一位女同事（其實是同一老闆不同公司）很可愛的。 近來因其公司有事而暫時在我公司上班。

今天中午突然下大雨，我有打傘，但膊頭、背部也濕透了。回到公司，感到冷冷的。

然後聽到房內有風筒聲，入來一看，他們在吹乾衣服鞋襪。

我說很冷，可愛的女同事，替我吹手臂及背部，還在用紙巾幫我揩拭。期間都維持了約五分鐘，感覺溫馨。其他兩位同事在場，亦說感到側目。

令我覺得，認識這個女孩子，就會令自己很快樂。

很多的未知數，女孩好像對其他人都是那麼熱情，又常常開玩笑式地把類似「掛住你嘛」、「你呷醋咩」等等掛在口邊。

酒夫人啊～究竟你猜她是甚麼心態呢？是玩、抑或在試探著我？
酒井明
2007/8/16 23:13 
Well...慢著，我何時變了[酒夫人]？為什麼解答愛情疑難，就必定會是女人？人家那叫梁望峰的，也會學人幫忙解決感情問題呀！你太老了，應該還是想念著白韻琴姐姐吧？
認真回答你的問題吧。那要先看你對她有什麼感覺了；有些女生就是這樣，喜歡用這種曖昧方式和男生溝通，這種女生在愛情上是個機會主義者。當然，藉以玩弄男生的情況會是有的；不過，這是你對自己的信心問題了。你覺得你自己有沒有這種魅力，可以吸引到異性對你有垂青之情？
你可以反客為主，也用一些試探招數應付；過程裡不要太上心，只要試試就好。這種女生不怕男生試探的，只怕你沒有追求她的自信。去吧！抽刀兄。
抽刀斷水
2007/8/16 23:20 
佢試我又試先，遲些再向你匯報進展。
酒井明
2007/8/16 23:31 
愛情，是需要[試]的；抗拒[試]的人，只是妄自菲薄，由根本地對自己，甚至對愛情缺乏信心、自信。
上帝不是速遞公司的老闆，不是作個禱告什麼的，祂就會速遞一個愛人給你。
匿名
2007/8/17 16:55 
原帖由 酒井明 於 2007-8-16 23:31 發表
愛情，是需要[試]的；抗拒[試]的人，只是妄自菲薄，由根本地對自己，甚至對愛情缺乏信心、自信。
上帝不是速遞公司的老闆，不是作個禱告什麼的，祂就會速遞一個愛人給你。 ...


呢d唔係試，係濫交
抽刀斷水
2007/8/17 17:16 
原帖由 Guest from 202.128.225.x 於 2007-8-17 16:55 發表


呢d唔係試，係濫交

我想，他是指試愛，不是試性。
Step.King
2007/8/17 17:29 
原帖由 抽刀斷水 於 2007-8-17 17:16 發表

我想，他是指試愛，不是試性。


不為情愁枉少年, 想唔到抽水你心境仲年輕呀
酒井明
2007/8/17 17:29 
將[試]和[濫交]混為一談的，就是那些根本上對自己缺乏信心的人，用來蒙騙自己、指罵別人的最常用的藉口。因為自己沒膽去追求，就說那些會放膽去追求的人[濫交]，更只讓人感到酸葡萄的味道。難道你喜歡一個人，也要思前想後、顧左右而言他，還是一味求神拜佛，要對方主動追求你？別做夢了。

[ 本帖最後由 酒井明 於 2007-8-17 17:33 編輯 ]
抽刀斷水
2007/8/17 17:59 
原帖由 Step.King 於 2007-8-17 17:29 發表


不為情愁枉少年, 想唔到抽水你心境仲年輕呀

哎～這個情境，有點甜絲絲的感覺，總算正常吧。

之前我們還去釣墨魚，她好像總是為我吶喊打氣似的。

上岸的時候，我有在碼頭扶她一把，拖著手短短幾秒後，好像彼此都不捨得放手呢。
酒井明
2007/8/17 18:00 
那麼，現在怎麼樣了？發展順利嗎？

不過，希望這裡不要只成為另一個我們在聊天的地方。各位瀏覽這網站的友好，如果有愛情疑難，歡迎帖上來。

[ 本帖最後由 酒井明 於 2007-8-17 23:07 編輯 ]
Step.King
2007/8/17 23:49 
我早話左你思春架勒
早d搵個壓寨夫人啦,
抽刀斷水
2007/8/18 00:59 
原帖由 酒井明 於 2007-8-17 18:00 發表
那麼，現在怎麼樣了？發展順利嗎？

我似那麼速食的麼？

原帖由 Step.King 於 2007-8-17 23:49 發表
我早話左你思春架勒
早d搵個壓寨夫人啦,

其實都麻麻地思春，心想我可能害人多過對人好。
沙文
2007/8/20 11:49 
師伯您唔夠經驗啦，其實要counter試佢，就好似張飛在百萬軍中取上將首級 -- 如探囊取物l

既然佢開到口，您就不妨食住上，來個順水推舟，好認真咁、情深款款咁望住她的剪水雙瞳話：「原來....原來妳真係對我有意思架？我.....我仲一直担心，唔知點樣向妳表白添。」

若然佢真係對您10月芥菜，咁就中正下懷，但如果萬一佢好似您担心咁，係玩，咁您又會唔會好瘀呢？唔怕！下一著係玩番佢轉頭：您哈哈大笑咁話：「我都係玩顧ju喎，咁都呃到妳呀？」
Step.King
2007/8/20 12:53 
原帖由 沙文 於 2007-8-20 11:49 發表
師伯您唔夠經驗啦，其實要counter試佢，就好似張飛在百萬軍中取上將首級 -- 如探囊取物l

既然佢開到口，您就不妨食住上，來個順水推舟，好認真咁、情深款款咁望住她的剪水雙瞳話：「原來....原來妳真係對我有意思架？我.....我仲一直担心，唔知點樣向妳表白添。」

若然佢真係對您10月芥菜，咁就中正下懷，但如果萬一佢好似您担心咁，係玩，咁您又會唔會好瘀呢？唔怕！下一著係玩番佢轉頭：您哈哈大笑咁話：「我都係玩顧ju喎，咁都呃到妳呀？」



老大  你個收尾收得好差...

我建議可以改成：「不過可惜...我同你都係有緣無份...年中個個女人都話掛住我, 其實我真係好難做...唉!」既然係玩就唔駛講出口既~係米?
沙文
2007/8/20 13:23 
您自己都唔夠慎密就咪亂建議啦，您睇下講嘅野之中有冇被人反攻嘅缺口，尤有甚者係會唔會招惹反攻先得嘛‧叻唔切

[ 本帖最後由 沙文 於 2007-8-19 21:42 編輯 ]
Step.King
2007/8/20 13:42 
老大你個版本太此地無銀三百兩啦
沙文
2007/8/20 13:48 
佢冇得唔信您係玩喎, 如果佢唔信, 就变左係佢自作多情, 佢唔會咁家嘛, 大家當玩就双方都易落台

如果話「年中乜乜物物」咁串, 佢就好易揸住呢點踩您兩腳。呢啲人情世故，要知訂先得出得黎行假

退一步來說，由得佢此地無銀，話唔定佢就會認為您真係冧佢，但係冇證據佢又講唔出口，二人的關係可能會產生微妙變化嫁啦

[ 本帖最後由 沙文 於 2007-8-19 21:55 編輯 ]
Step.King
2007/8/20 14:26 
原帖由 沙文 於 2007-8-20 13:48 發表
佢冇得唔信您係玩喎, 如果佢唔信, 就变左係佢自作多情, 佢唔會咁家嘛, 大家當玩就双方都易落台

如果話「年中乜乜物物」咁串, 佢就好易揸住呢點踩您兩腳。呢啲人情世故，要知訂先得出得黎行假

退一步來說，由得佢此地無 ...


老大你咁就唔岩啦
追得女仔就要膽大心細面皮厚, 怕人串就唔好追女仔啦
要控制戰局先得架嘛, 駛乜要佢以為我真係lum佢??? 將佢變成lum自己就得啦
老大你第一句就已經釋出左你對佢既興趣, 接住落緊係收一收, 吊高賣一賣架啦
你仲可以加多句 :  不過咁, 今年同我講話掛住我既女仔當中, 你都算係最靚過個啦~

咁就完美收場啦, 既然前題係試佢係唔係玩, 就不妨玩盡d, 真係玩既, 就無傷大雅, 反而你玩番一排之後再收手, 佢可能仲會law law lun 唔知你發生咩事; 相反, 如果不是玩的女仔, 通常咁樣一放一收之下都會面紅耳赤, 到時主動權就自然係你手啦
dye
2007/8/20 14:30 
真係好似沙文個方法好D（個人意見）