[轉載]其實，我都曾經係一個耶撚……
| « 1 | < | > | 3 » |
咁講就畀人睇出貴網其實並非如"本網的價值觀"所申述"宗教包容"、"支持每一位離教者" , 而係處心積慮想製造離教者！ 人地想轉會, 您就話不如唔好踢波, 您有咩根據"唔轉教會而走去離教，係靈性上既upgrade"? 教徒認為 轉會先係靈性上既upgrade, 您有冇尊重佢嘅睇法? 本網的價值觀 Our Values 尊重宗教自由：捍衛教徒有自由離教或改變宗教信仰之權利，不強迫、誘使、教唆或反覆遊說教徒離教。 | |||||
首頁都講明： 離教，一般不像信教一樣，是「受感動」（一時衝動，往往看完煽情的見證後）而草草「決志」，反而好像從夢中甦醒，是理性的抉擇。 個人醒咗，仲唔係upgrade? 你要搵根據，可以晌離教見證入面搵啦。我每篇都睇過，先講得出「離教係靈性上既upgrade」呢句。 個人想離開教會但唔離教，就唔好話自己「曾經係耶撚」啦，咁講好容易令人唔會真係做咗離教者，但其實原來仲承認呢個上帝既存在，咁究竟呃緊人定呃緊自己？ | |||||
話到明係支持每一位離教者，呢個係源於「離教對自身有益」既信念，否則就無所謂支唔支持啦。 咁等樓主澄清下耶撚的定義囉。 我看只是稱謂，現今人叫耶撚，耶穌年代叫法利塞人。。。 泛指講一套，做又另一套，口不對心的教徒。 | |||||
一講「實驗並不一定是轉教會，實驗一下離教又何妨？」就已經違反貴網自己宣稱的「不強迫、誘使、教唆或反覆遊說教徒離教」啦。 既然肯定「離教對自身有益」這立埸,而又「不強迫、誘使、教唆或反覆遊說教徒離教」, 咁就被人睇穿貴網的所謂「包容」, 其實係偽善。貴網对教徒的真正睇法係, 教徒信教係錯嘅, 係蠢嘅, 所以先會支持離教嘛；貴網根本就否定兼睇唔起基督教。因此, 貴網在结構上不可能「尊重宗教自由」, "本網的價值觀 Our Values" 中宣稱「尊重宗教自由」, 係不實嘅宣言 若果真係有心「尊重宗教自由」, 點會淨係「捍衛教徒有自由離教或改變宗教信仰之權利」, 而冇「捍衛教徒有自由信教或不改變宗教信仰之權利」 貴網宗旨中的宗教自由，同貴國憲法中的宗教自由 ，好似在精神上具有相同意義。 | |||||
咩叫包容？咩叫尊重宗教自由？就係呢度可以容許教徒發聲、甚至傳教，要信教既，網站立場無話要阻止佢架，就算乜教都係。係歷史上由教會或基督徒主理既討論區，講吓反基野就會刪文ban人，咁就無包容無宗教自由喇。 | |||||
點解唔回應"一講「實驗並不點解唔回應"一講「實驗並不一定是轉教會，實驗一下離教又何妨？」就已經違反貴網自己宣稱的「不強迫、誘使、教唆或反覆遊說教徒離教」"? 貴網的所謂包容, 其實意思係: 信教係錯嘅, 係蠢嘅, 不過您係都要信,我都吹您唔脹, 即本畀您吹下水, 但本網一定打沉您。在貴網的宗教立場下, 揚言"尊重宗教自由", 係人都睇得出您的偽善。您只係實踐咗教徒/非教徒的言論自由, 並無尊重宗教自由。 "要信教既，網站立場無話要阻止佢架" 亦係不實宣言 -- 「實驗並不一定是轉教會，實驗一下離教又何妨？」 點先係尊重宗教自由呢?譬如，我話：我决定明日受浸了! 您就代表貴網仝人話：恭喜沙文呀，终於找到信仰啦!我一定要來觀禮幚您拍video留念呀! 若貴網能夠做到咁包容，就係人都承認您宗教包容嘞 | |||||
污泥中一朵蓮花！ | |||||
那要看尊重的是否邪教。 | |||||
咁貴網只係捍衛離教自由-- 係宗教自由的局部, 不能宣稱自己捍衛宗教自由 咁又要講番句公道話, 「信教係錯嘅, 係蠢嘅,」係抽刀斷水發帖是的個人立埸, 雖然係主觀, 偏激咗一啲, 呢啲都係佢作為普通版友可以講既立埸黎。唔可以因为為佢身份係網主, 就係呢個網既立埸黎。 至少呢到係無「基督徒主理既討論區，講吓反基野就會刪文ban人」呢種陋習, 連亞旁觀者都可以亂翕24既.........真係都幾包容架哩 | |||||
乜你認為個個信教的都係「（一時衝動，往往看完煽情的見證後）而草草「決志」」過類架咩? 天主教徒係唔可以草草洗既.....一般的都要經過一年半的慕道班, 此(有些正統的新教教會也是如此) 一年多的時間, 幾煽情的慾火都會冷卻既 | |||||
講「實驗一下離教又何妨？」只係提供準離教者可以有這個option，提下都叫「強迫、誘使、教唆或反覆遊說教徒離教」咩？你咁嚴格既標準，就真係似本國既法律喇。 所謂包容，其實應該講話係「寬容」（tolerance），原意係離教後可以有自由投身其他宗教，更有表達意願和分享既自由，呢個自由晌基督教係好難出現既。一個討論區除咗實踐言論自由之外，你認為仲可以實踐邊方面既自由？至於教徒與非教徒之間互相想打沉對方，或者我個人不同意教徒既言論而作出反駁，咁就叫唔尊重宗教自由咩？如果你覺得本網就religious tolerance方面可以改善，歡迎提出一起研究。 至於關於你明日受浸，你想收到我代表本網仝人既恭喜，咁先晌你心目中叫包容，咁我同你對包容既理解真係相當唔一樣。屆時真係有呢一日出現，我就可以話：你要浸我唔會阻止你，對你已經好包容喇，因為呢度係支持鼓勵離教者，而唔係支持鼓勵教徒既。 | |||||
一個吸毒嘅道友，吸一日係咁High, 吸十年一樣咁High。 | |||||
版主/網主自己講埋一份, 點都有些騎哩, 本來版主應該做拳證, 但而家好似拳證又落場打埋一份咁 提下就係「誘使、教唆」咖啦, 4項您都中咗兩項 貴網宣稱"每個人都有權利去選擇適合自己的道路，健康和快樂地走將來的日子，創造自己美麗的人生。" -- 咁若果我有朝一日決定信教而又健康和快樂地走將來的日子，創造自己美麗的人生, 都好符合貴網的理想, 您有咩理據唔支持鼓励我呢? 貴網既然唔係支持鼓勵教徒既, 「每個人都有權利去選擇適合自己的道路健康和快樂地走將來的日子」此宣稱就並非真心, 其實貴網認為信教後就唔會健康和快樂地走將來的日子 | |||||
擺到明廢話喎。 您可以點樣阻止呢? 「沙文您條扑街一浸落去我抽刀断水就唔斷水, 信唔信我抽刀断㭍吖嗱」咁呀? | |||||
不知那是你（抽刀斷水）個人意見，還是代表本網立場？ | |||||
一時慾火焚身，同條女一夜情。 與十年都係只同同一條女上床。。。。。 係咪一樣先？ | |||||
咁樣，「離教」呢個詞語一提就令教徒知道有呢樣野，所以都唔提得呀？ 好多討論區都係咁架啦。 個理由係，你到時大把教會勢力支持鼓勵你（及準備收你的奉獻），我可以留返尐精力去支持鼓勵比較少人支持既離教者。 | |||||
我只收集網上圖片，邊幅圖你覺得極醜化咁呢？ | |||||
網上也有唔少四仔相，又唔見你為本網收集既？ 至少我同沙文都拍掌歡迎。 | |||||
因為咁： https://exchristian.hk/forum/red ... 3094&pid=123985 所以先開呢個IG而已。 |
| « 1 | < | > | 3 » |