逃出魔幻紀
2020/5/27 13:25 
本帖最後由 逃出魔幻紀 於 2020/5/27 13:31 編輯
幫屋企人趨吉避凶，我唔認為咁就算係個自私嘅罪人囉...

相反，上帝只係老吹個天堂出嚟呃住你，你就連屋企 ...
龍井樹 發表於 2020/5/27 12:13


你諗得太多喇，成日諗我個心諗乜，而且冇次估得啱，而且估得啱估唔啱對你都冇乜影響，好似冇乜意義噉。
龍井樹
2020/5/27 14:15 
本帖最後由 龍井樹 於 2020/5/27 14:26 編輯
你諗得太多喇，成日諗我個心諗乜，而且冇次估得啱，而且估得啱估唔啱對你都冇乜影響，好似冇乜意義噉。 ...
逃出魔幻紀 發表於 2020/5/27 13:25

只係個假設嘅"你"，你無需要對號入座丫。

而且你都戴定頭盔，話自己只係罪人團體入面嘅罪人、自私自利，日日祈禱克己整呢整老呢...
逃出魔幻紀
2020/5/27 16:54 
只係個假設嘅"你"，你無需要對號入座丫。

而且你都戴定頭盔，話自己只係罪人團體入面嘅罪人、自私自利， ...
龍井樹 發表於 2020/5/27 14:15

Ok，假設嘅嘢唔講，如果你有黃或藍嘅色彩，方唔方便就本帖問題畀個答案？如果兩種色都唔係或者唔想講就當我冇講過啦。
龍井樹
2020/5/27 17:12 
Ok，假設嘅嘢唔講，如果你有黃或藍嘅色彩，方唔方便就本帖問題畀個答案？如果兩種色都唔係或者唔想講就當 ...
逃出魔幻紀 發表於 2020/5/27 16:54


我睇到嘅係，邊一邊贏都好，香港都係死梗嘅。當然你可以話，香港人仲响度，香港又冇俾核彈炸到灰飛煙滅，點算死呢？但如果香港唔再係國際金融中心，呢個香港就唔係我由細長大生活開嘅香港囉...

奉勸一句，趁美國未宣佈禁止港元緊釘美元(取消聯繫匯率)，有閒錢嘅話換晒做美元會安全啲。
逃出魔幻紀
2020/5/27 18:21 
我睇到嘅係，邊一邊贏都好，香港都係死梗嘅。當然你可以話，香港人仲响度，香港又冇俾核彈炸到灰飛煙滅， ...
龍井樹 發表於 2020/5/27 17:12


多謝你提醒，我大半年前換曬啦，而家諗緊點樣擺去外國，以策萬全，避免一鋪清袋。
beebeechan
2020/5/28 00:38 
..
係邊個撒旦又有乜關係呢？呢個網前身都只係新聞組入面嘅基督教版，邊個人扮邊個，雖然仲有 IP address 可以認，但只要係講我想講嘅嘢，你將自己改名做龍井樹我一啲都唔介意。至於用我名去撩交嗌，意圖破壞他人名聲嘅，熟我嘅人會認出佢係改名西，唔熟我嘅我根本都理得佢。
龍井樹 發表於 2020/5/27 08:56


乜出現過A貨龍井咩？
beebeechan
2020/5/28 02:09 
當然現代嘅正常人都唔會認為呢個故事有一個 happy ending，只有嗰啲思想仍然停留响石器時代，視兒女為牛羊豬馬一樣嘅私人財產嘅人，先會覺得約伯係因禍得福，上帝要藉住賭局去俾張好牌約伯上啫
龍井樹 發表於 2020/5/27 08:56


如果作者把結尾寫成是約伯潦倒，橫死街頭，但約伯仍堅信不移，
是否會更貼現實。
龍井樹
2020/5/28 08:28 
金山找約咗葉問去你屋企決鬥，關心佢哋邊個會贏，不如擔心下自己間屋俾人打爛晒好過。
龍井樹
2020/5/28 08:48 
如果作者把結尾寫成是約伯潦倒，橫死街頭，但約伯仍堅信不移，
是否會更貼現實。 ...
beebeechan 發表於 2020/5/28 02:09


財產當然要有賠償，健康亦都應該恢復，寂寞需要有人陪伴；死去嘅親人，上帝應該叫佢哋復活，然後俾佢哋同約伯聚下，承諾佢哋會到天國享福，响約伯面前接佢哋上天，呢個先係完滿結局。

上帝唔駛我教掛？不過耶經作者就係古人，就係將子女當成豬馬牛羊一樣嘅私人財產，而佢作約伯記嘅目標讀者都係同佢一樣擁有共同價值觀嘅人。
逃出魔幻紀
2020/5/28 10:55 
本帖最後由 逃出魔幻紀 於 2020/5/28 12:30 編輯
財產當然要有賠償，健康亦都應該恢復，寂寞需要有人陪伴；死去嘅親人，上帝應該叫佢哋復活，然後俾佢哋同 ...
龍井樹 發表於 2020/5/28 08:48


大家睇野角度唔同啫。一個發酒癲係都要衝出海嘯大浪湧緊埋嚟嘅大海游水嘅醉酒佬，冇人够佢大力掹唔到佢返轉頭，我就情願用麻醉槍啪暈佢或者兜頭摳佢一棍撲暈佢，然後抬佢去醫院好過任得去標出大海。
分別就係你覺得人同天主同level同智商，我就認為人同天主比連細菌都不如。

我哋人生在世就好似睇到刺繡圖畫背面胡亂交錯嘅線條，絲毫睇唔出係一幅乜嘢圖畫，只有將畫反轉嚟睇正面先至能够真相大白，我哋死亡嘅時候就係畫面反轉嘅一刻。
逃出魔幻紀
2020/5/28 11:11 
本帖最後由 逃出魔幻紀 於 2020/5/28 11:14 編輯
金山找約咗葉問去你屋企決鬥，關心佢哋邊個會贏，不如擔心下自己間屋俾人打爛晒好過。 ...
龍井樹 發表於 2020/5/28 08:28


我開本帖唔係講緊間屋有冇畀人打爛嘅問題，而係想表達喺任何大風大浪中我都絕對信賴天主，另外想知道黃藍嘅初衷真唔真心，綜合幾個網站嘅調查結果，beebeechan係唯一一個肯明確表態嘅藍絲，我對chan生呢點甚為敬佩。

粗略總結後基本上我嘅印象就係：藍絲可能係現代版『葉公好龍』同『床板夾XX』，暂時得一個肯誠實講嘢；而黃絲就好似斯巴達戰狼300，言行一致。
龍井樹
2020/5/28 11:46 
見你講嘢講到一舊舊，本來我都唔打算繼續回。

世界又唔係得黃同藍，而且你絕對信賴天主，都不過係留响罪人團體入面繼續做個罪人啫，你理得人有幾真誠丫... 宜家攬炒在即，有能力而又唔走嘅，嗰個咪就真誠囉，網上吹水又點可以當真呢？
beebeechan
2020/5/28 15:53 
財產當然要有賠償，健康亦都應該恢復，寂寞需要有人陪伴；死去嘅親人，上帝應該叫佢哋復活，然後俾佢哋同約伯聚下，承諾佢哋會到天國享福，响約伯面前接佢哋上天，呢個先係完滿結局。

上帝唔駛我教掛？不過耶經作者就係古人，就係將子女當成豬馬牛羊一樣嘅私人財產，而佢作約伯記嘅目標讀者都係同佢一樣擁有共同價值觀嘅人。
龍井樹 發表於 2020/5/28 08:48




約伯傳一開頭就話約伯有十個兒女: 七個衰仔,三個衰女!
約伯每日都要為佢地每人獻燔祭來贖罪。

如結尾好似你咁講：上帝應該叫佢哋復活，然後俾佢哋同約伯聚下
咁約伯又要對住十條頂心杉，　同開始時一樣？　咁唔係　happy ending 嚟喎。

結尾約伯又得番十個兒女，　七個仔既品格無交代，　三個女就讚到頂呱呱勒。

正如你話：有閒錢嘅話換晒港元做美元會安全啲。十個衰仔衰女換十個乖仔乖女先係happy ending.
逃出魔幻紀
2020/5/28 16:17 
約伯傳一開頭就話約伯有十個兒女: 七個衰仔,三個衰女!
約伯每日都要為佢地每人獻燔祭來贖罪。

如結尾 ...
beebeechan 發表於 2020/5/28 15:53

衰仔有衰仔嘅功能，係一個好勁嘅靈修課程導師，不過唔係人人都肯學或者學得好呢堂課，對此我深有體會。
龍井樹
2020/5/28 16:34 
約伯傳一開頭就話約伯有十個兒女: 七個衰仔,三個衰女!
約伯每日都要為佢地每人獻燔祭來贖罪。

如結尾 ...
beebeechan 發表於 2020/5/28 15:53


你響呢度講就好，如果俾你啲衰仔衰女聽到，原來你個衰老豆係恨不得換走晒佢哋，佢哋再衰啲趕你出街都有知。
龍井樹
2020/5/28 16:44 
大家睇野角度唔同啫。一個發酒癲係都要衝出海嘯大浪湧緊埋嚟嘅大海游水嘅醉酒佬，冇人够佢大力掹唔到佢返 ...
逃出魔幻紀 發表於 2020/5/28 10:55


你啲口吻學到似十足補藥黨祈福黨咁嘅？
"嗱，你拎舊錢出嚟我幫你作個法，你一日三次向舊錢三跪九叩，三日後你就知道我有冇料到㗎啦..."
三日之後，當你打開包錢，裡面包住嘅當然係報紙啦。

你去用你嘅理由，套用响其他所有宗教之上，其實都一樣成立㗎喎。之不過你遇啱嘅嗰個係耶教，所以信咗耶教之嘛。當初如果向你傳教嘅係回教徒，你都一樣可以用同樣理由去信安拉真主。
逃出魔幻紀
2020/5/28 22:13 
你啲口吻學到似十足補藥黨祈福黨咁嘅？
"嗱，你拎舊錢出嚟我幫你作個法，你一日三次向舊錢三跪九叩，三日 ...
龍井樹 發表於 2020/5/28 16:44


有人傳過喎，逐頁揭本古蘭經同我傾咗幾日，我都冇信。
哈佛專家
2020/5/29 06:39 
To: 逃出魔幻紀

我算唔算黃絲？定係當我傻左？
龍井樹
2020/5/29 08:29 
有人傳過喎，逐頁揭本古蘭經同我傾咗幾日，我都冇信。
逃出魔幻紀 發表於 2020/5/28 22:13


咁即係，你講嗰啲："死亡嘅時候就能够真相大白..." 根本唔成你信耶神嘅理由囉，明未？
龍井樹
2020/5/29 08:38 
分別就係你覺得人同天主同level同智商，我就認為人同天主比連細菌都不如。
逃出魔幻紀 發表於 2020/5/28 10:55


以我理解，人嘅標準應該比神嘅標準低，只屬初階。但如果連人嘅標準都達唔到，你就同我講其實佢標準點高點高，係咪似講緊笑話呢？