段天祥
2007/9/12 22:21 
香港D校服都唔差呀!
酒井明
2007/9/12 22:28 
唔係話佢差，而係，真係著得冇咁好睇喎...........何解呢？
沙文
2007/9/13 05:02 
因為「崇洋」係要包括埋「崇東洋」先至全面嘛。
酒井明
2007/9/13 17:42 
我個同事話，係因為日本妹皮膚白D，唔似香港D女仔咁黃，所以襯起黎就好睇D。
沙文
2007/9/13 18:53 
呢條thread嘅title係「諗唔到」。既然您同事早已在您提問前答咗，就唔應該在呢條thread之中提出啦
酒井明
2007/9/13 20:58 
我係唔知對或錯嘛，所以響呢度提出，希望大家提出其他意見。
抽刀斷水
2007/9/15 09:42 
我都有野諗唔到！
有云：萬惡淫為首。唔通淫既惡，仲厲害過殺人放火、打家劫舍？
dye
2007/9/15 10:34 
「百行孝為先」你又認為孝比救人一命厲害？
抽刀斷水
2007/9/15 11:15 
原帖由 dye 於 2007-9-15 10:34 發表
「百行孝為先」你又認為孝比救人一命厲害？

呢個可以解喎。「孝」，除左伺奉自己父母之外，正所謂「老吾老以及人之老」，連人地老豆老母都要尊敬既。咁樣，救人地一命，即係都算孝既一種，因為被救之人，可能係人地父母／人地子女既。
酒井明
2007/9/15 19:01 
我就覺得呢兩句唔係咁解。
我覺得個"首"字同埋個"先"字，應該係有"最基本的" o既意思。即係話，所有o既惡行，都以"淫"為最基本；所有o既善行，最基本就係實行"孝"。
o拿o拿o拿！我估架乍！我呢種人，冇乜文學修養架乍，你地班友唔好又圍插我呀。
抽刀斷水
2007/9/16 00:37 
原帖由 酒井明 於 2007-9-15 19:01 發表
我就覺得呢兩句唔係咁解。
我覺得個"首"字同埋個"先"字，應該係有"最基本的" o既意思。即係話，所有o既惡行，都以"淫"為最基本；所有o既善行，最基本就係實行"孝"。
o拿o拿o拿！我估架乍！我呢種人，冇乜文學修養架乍，你地班友唔好又圍插我呀。

你患左「恐插症」麼？

我又唔係咁估。最基本的意思，應以「本」、「天」，如「國以民為本，民以食為天」。

用「首」、「先」，應該真係「第一」、"before anything else" 的意思。
沙文
2007/9/16 09:33 
今次我撑落第秀才酒井先生。
紗蓮師妹話，「首」同「先」都可以解作「最重要」、「最根本」：

首：
【集說】首者，標表之義，蓋顯示其內心之哀痛于外也。　又要領也。【書·秦誓】予誓告汝羣言之首。【傳】衆言之本要。　

先：
【莊子‧天道】 -- 末學者古人有人，而非所以先也
成玄英疏 ：「先，本也」

[ 本帖最後由 沙文 於 2007-9-15 17:42 編輯 ]
抽刀斷水
2007/9/16 11:15 
好，既然沙兄引經據典，這次就我比人插了。

就順著這個思路，那萬惡淫為首，應該解作「在眾多惡行之中，最基本的就是『淫』」。
咁點解「淫」係最基本呀？
沙文
2007/9/16 17:09 
咪住！您等一等先。

撑完佢之後，都要插一插佢。

酒＃明您簡直混賬！東瀛女對腳點會白得過我的紗蓮師妹同薏蘊公主對玉腿？您別再妖言惑眾了！
酒井明
2007/9/16 20:24 
可能一切只係本人崇東洋啦，或者...........
咁，你o個兩位女士，又有冇咁靚呢？
酒井明
2007/9/16 20:32 
嗯..........我諗，唔駛用到"混脹"呢D咁heavy o既字眼掛？.....
我覺得呢，因為"淫"係由人類最天生o既本能——性欲呢方面引伸出黎o既，係好容易出現，亦係好難抑制o既欲望，所以惡行都以淫為首。
不過呢，唔知邊度聽返黎，話"淫"裡面有貪婪o既意思喎！呢家野又要請教下沙文喇。
沙文
2007/9/17 03:47 
原帖由 酒井明 於 2007-9-16 04:24 發表
可能一切只係本人崇東洋啦，或者...........
咁，你o個兩位女士，又有冇咁靚呢？
庸脂俗粉，不堪一哂。

琴晚我同佢搽腳甲油, 一面搽一面欣賞著搽了 Vodka & Caviar 腳甲油的粉雕玉琢，諗起您嘅post，腦海中浮起的就是「混賬」二字。

Vodka & Caviar搽在她們的腳甲上，另有一個名稱：雪裡紅

【浣溪石上女】：一雙金齒履，兩足白如霜。 就係講佢地，東瀛女蘿蔔腳慳啲啦
沙文
2007/9/17 08:01 
原帖由 抽刀斷水 於 2007-9-15 19:15 發表
好，既然沙兄引經據典，這次就我比人插了。

就順著這個思路，那萬惡淫為首，應該解作「在眾多惡行之中，最基本的就是『淫』」。
咁點解「淫」係最基本呀？ ...
此乃中國民間傳统的道德觀。
政治黑暗的社會中，即使你落草為寇、打家劫舍，甚至殺人放火，亦未必至於「十惡不赦」，因為，百姓視之為「官逼民反」。但強搶民女、姦滛婦女，即人神共憤。
所以，水滸傳描寫的梁山好漢，確是做賊也是英雄，但佢地並不逾越「淫」這條綫，如果佢地淫人妻女，就唔會係好漢。
你搶錢，可以係為掙口飯吃、殺人也可以是替天行道、為民除害，但若強姦為富不仁的沙員外個老婆薏氏，則百姓認為咁肯定是為了洩慾，係唔得嘅！你可以殺咗佢，但唔可以強姦佢。「盜亦有道」就係咁解。

[ 本帖最後由 沙文 於 2007-9-16 16:31 編輯 ]
dye
2007/9/17 09:38 
淫有好多種意思，根據字典，其中有

1)沉溺。　書經˙大禹謨：罔遊于逸，罔淫于樂。
２）迷惑。　孟子˙滕文公下：富貴不能淫，貧賤不能移，威武不能屈，此之謂大丈夫　。
３）通姦。　
４）浮濫﹑過度﹑不恰當。管子˙君臣下：禁淫務，勸農　功。
５）邪惡不正的。書經˙洪範：凡厥庶民，無有淫朋。
６）貪色﹑放蕩的。晉書˙卷三十˙刑法志：今盜者竊人　之財，淫者好人之色。
７）男女間不正常的性關係。如：賣淫﹑行淫。
抽刀斷水
2007/9/17 10:14 
根據沙員外的解法，這個「淫」字並非指縱慾、亂搞關係，而是指強姦、強搶民女。

這個解釋的確解決了我一直以來「諗唔到」的問題，謝謝！

P.S. 聽說現時犯了強姦犯的囚犯，在監獄也會受到「特別」禮待，這可能亦是現代人鄙視強姦婦女的所作所為。