抽刀斷水
2025/6/7 01:54 
回覆 38# 沙文


    平時出少啲街咪得囉。
沙文
2025/6/7 02:29 
若果發生這scenario就唔係平時啦-- 你同阿嫂去咗印度旅遊, 我又去咗印度旅遊, 而你不幸身故.....
jimmychauck
2025/6/7 03:46 
本帖最後由 jimmychauck 於 2025/6/7 05:57 編輯

回覆 40# 抽刀斷水

回覆  jimmychauck
我有咩睇法，一定要用佢個分類去表達出黎？否則你就唔明？
抽刀斷水 發表於 2025/6/7 01:51


我冇唔明你講嘅野喎，你#27答BBC，係表明左，你唔認為"姦"係所有情況下係"惡"，咁有兩個以上嘅可能，
a, 你唔認為有絕對道德標準
b, 你認為有絕對道德標準，但同"姦"無關

咁我咪追問吓你咁答野背後嘅邏輯囉。
引入分類，只不過係方便討論，易於綜合，可以用吓啲學術詞彙，唔洗以前啲大賢花左一百幾廿年闡釋過晒嘅事情你又花多幾萬字解釋多次啫。
不過可能你根本都唔識倫理學，同你對正義論冇乜研究咁一樣，好似街邊阿婆隨口噏咁就當有道理咁答左。
點解對倫理學有啲認識有助討論呢，就係因為好多layman諗到嘅野，某啲取態某種立場，其實可能以前早就俾人傾過晒，有咩缺憾問題長處短處幾時可應用其實學術界一早就講清講楚，你仲喺度reinvent the wheel就其實純嘥gas，亦係IT之忌。

我咪答咗你做乜要將自己歸類為乜乜主義，為乜要限制自己睇野既視野咁呢？
抽刀斷水 發表於 2025/6/7 01:51

你拒絕將自己分類，都有幾種可能嘅
1. 你都唔知有咩類
2. 你唔屬於好多大類，但你就冇心機為自己嘅一類好似其他大類咁闡釋清楚去幫助討論
3. 你係混合類，不認為自己可以歸入單一類
3a. 你亦可能唔知邊啲類同邊啲類唔相容

你係ANB，你咪話自己ANB，講清楚乜A乜B咪得。話人分類唔夠細唔夠清限制表逹，咪自己表逹清楚，或者一句，"我#27已講晒，冇野補充冇野闡釋"。

你冇野再要闡釋咪講清楚，咁就冇需要討論啦。

我無需要因為你對我既分類而需要努力捍衛啲咩野價值觀，我既思想係自由既。
抽刀斷水 發表於 2025/6/7 01:51


我就從來冇分類你嘅，我係叫你喺果啲類中揾出你嘅底層價值或邏輯，咁我宜家都見唔到你有任何嘗認去做吖。
啱呀，不嬲都話冇中心思想，鍾意幾時講乜都得，幾時打倒過去將來嘅自己或他人都得㗎啦。
抽刀斷水
2025/6/7 11:34 
回覆 43# jimmychauck


    我形容我既思想係be water，無須將"-ism"限制自己過去現在未來。你認為咁會打倒自己過去將來，咁其實打倒又有咩問題？科學都係咁發展出黎。
抽刀斷水
2025/6/7 11:36 
若果發生這scenario就唔係平時啦-- 你同阿嫂去咗印度旅遊, 我又去咗印度旅遊, 而你不幸身故..... ...
沙文 發表於 2025/6/7 02:29



    咁鬼驚就咪去旅行啦，你潛落水底或上太空都可以，暫時我地都未識潛水或無計劃上太空。
沙文
2025/6/7 14:40 
回覆 45# 抽刀斷水

有時命運嘅嘢就係咁奇妙, 若果犬子娶個印度西施, 令郎娶印度東施, 咁啱又撞埋喺印度擺酒.......
抽刀斷水
2025/6/7 15:04 
回覆 46# 沙文


    既然你懂命運弄人，那唯有認命啦。
沙文
2025/6/7 15:08 
係就係命運弄人, 但係好多嘢都係半由人力半由天, 我要求你同阿嫂講一句”自焚時請等沙文唔喺附近”, 都唔係好難為你啫
抽刀斷水
2025/6/7 15:18 
十幾年無見，怕佢唔認得你，你平時出街貼住「我係沙文」字樣晌額頭，我再同佢講聲啦。
沙文
2025/6/7 15:19 
你話見到有個好靚仔嘅,十居其九就係沙文,咁就得㗎喇
(而且, 或者你估佢唔到, 原來佢記得我個樣呢)
jimmychauck
2025/6/7 20:02 
回覆 44# 抽刀斷水

問題係你嘅思想唔係科學，冇經科學方法驗證，科學可以打倒自己，但呢個不適用於你嘅"思想"。呢啲就叫不確類比。
科學打倒自己，唔係每次都係行相反方向，係用一套更好嘅模型解釋左過去同現在更多嘅觀察，解釋到點解以前咁結論，宜家有新嘅結論同時可以解釋舊嘅現象。

打倒自己問題不大，打倒後負責執返以前自己嘅攤子就得。
如不停重複打倒自己，就只顯反覆。
即係，如果你覺得，以前類比係應該睇不同，但宜家就認為以前唔啱，應該睇相同嘅，咁咪返去承認以前嘅錯誤囉。一句be water就諗住帶過，只不過叫做撒賴。
抽刀斷水
2025/6/7 20:09 
回覆 51# jimmychauck


    我地成日都鼓勵離教者，以前晌教會做過既野、宗教上所深信過既一啲經歷，並唔係錯既，而係構成自我成長既一部分。基督教就唔同，係都要人認錯認罪，不斷帶住罪疚祈禱過日子，就算個人諗唔到有咩過失都話有原罪，你話死唔死？

咩叫成長，咩叫經歷，人長大咗就梗係唔同以前，但唔代表以前做過既野或者諗既野都係錯誤既。如果一個人一直都唔變，一直都係咁，可以話係無成長過，無經歷，呢啲咪一成不變囉。
jimmychauck
2025/6/7 20:30 


保羅都好大成長㗎，所以咪知道以前對信徒"屢次用刑強逼他們說褻瀆的話，又分外惱恨他們，甚至追逼他們，直到外邦的城邑"係唔啱囉，咩叫並唔係錯？以前做過嘅野唔係錯，洗乜離教？

你只可以話，喺以前嘅環境，當時有咁嘅諗法，受限於你嘅見識閱歷，並非你嘅錯。而今時今日頓悟左啦，教都離左啦，知道以前有咩唔啱啦，如果仲好似以前當時咁諗野，咪就係錯囉。當時咁諗野咁做野，對其他人做成嘅傷害，係唔會隨左離教嘅頓悟冇左㗎喎。得罪過自己嘅屋企人親戚朋友，係要自己去修補返關係先可以復和㗎喎。教都離左，仲抱持住話自己以前冇錯，根本只係催眠自己。正確嘅態度係坦承錯誤，但不可被錯誤困擾自己情緒，"我也不定你的罪。去吧，從此不要再犯罪了！"。

啲人信左耶穌，都係要悔改以前嘅罪走去同人復和啦。信左教離左教都覺得自己以前冇錯，信乜離乜啫，根本就自說自話。
抽刀斷水
2025/6/7 20:48 
回覆 53# jimmychauck


    你成個mindset都係基督教，唔明白呢個概念係好自然既事。

常言道：失敗乃成功之母，你睇失敗就係錯，唔錯又點會失敗？但原來無過去既失敗，就無現在既成功，咁失敗就係經歷、就係成長。成功之後仍念念不忘過去既失敗，覺得係錯誤，後悔終生，咁樣對自己好咩？
抽刀斷水
2025/6/7 20:55 
你話見到有個好靚仔嘅,十居其九就係沙文,咁就得㗎喇
(而且, 或者你估佢唔到, 原來佢記得我個樣呢) ...
沙文 發表於 2025/6/7 15:19



    靚仔就係沙文，同有鬚就係老豆，真有異曲同工之妙。
beebeechan
2025/6/7 21:26 
就算個人諗唔到有咩過失都話有原罪，你話死唔死？
抽刀斷水 發表於 2025/6/7 20:09



   
唔諗, 就無過失,
有過失時, 我既自由標準就話呢啲唔係乜過失嚟,

咁人....真係唔會犯罪架喇
.....你話死唔死?
沙文
2025/6/7 21:38 
回覆 55# 抽刀斷水

我話十居其九, 都唔一定。我都小小科學嘅。
咁阿嫂見到靚仔, 問一聲”呢位相公, 想必係三文囉可?” 咁咪符合科學囉
jimmychauck
2025/6/7 22:01 
本帖最後由 jimmychauck 於 2025/6/7 22:52 編輯

回覆 54# 抽刀斷水

只係好簡單，原則/立場可以點貫徹，改變時要點。我相信呢啲係世俗都要跟嘅標準，你冇需要扯咩基督教先係咁，除非你覺得，世俗標準連基督教嘅標準都及不上。

連對同錯都可以咁樣用話術去和稀泥，就唔令人覺得所謂話咩"基督教有咩係錯嘅"有乜野說服力。道理同經歷又可以隨便糊弄不分清，隨便點講咪點講。

不過算啦，你成個mindset都十幾年一成不變，多問都問唔到乜。
沙文
2025/6/7 22:27 
回覆 56# beebeechan

唔會犯罪, 你都唔使贔屭㗎。係都要人犯罪你先至安樂嘅咩?
抽刀斷水
2025/6/7 22:58 
回覆 58# jimmychauck


    都係到你有機會離教時再講啦，屆時希望呢度可以減輕你長久累積既罪疚感，離開犯罪→內疚→懺悔→赦免→犯罪→內疚→懺悔→赦免→……既迴圈，開展快樂美滿既人生。