Psyche
2013/12/29 18:07 
大家好，新嚟報到，呢篇係我第一篇文，或者就先作個簡單嘅自我介紹啦。

自小响基督教學校長大，有幾年好沉迷教會生活，識得最耐嘅朋友都响教會。雖然依家間中仲有聯絡，但因為時代久遠，已經冇以前果種熟落感，亦好難再約出嚟見面。離開該教會前，有位弟兄知我對李天命有興趣，送咗本「李天命的思考藝術」畀我，當時仲係直行本。冇幾耐就冇再返教會，但應該同李天命冇直接關係，而係自覺自己嘅觀值觀同教會愈嚟愈遠。

離開之後，簡單講就係冇晒朋友（感受上就梗係唔簡單啦）。之後四出搵新活動，例如行山露營、甚至嘗試轉其它教會等等。當然，直到如今，都冇一間令我認為值得留低。我認為無論任何時代，「理性」都係最基本嘅。失去咗理性，講咩都冇意義。

除咗行山，對日本文化亦好有興趣，不過因為人懶，學日文文法學極都唔識，淨係識單字。
抽刀斷水
2013/12/29 20:30 
Hello, 歡迎您的光臨。希望您能在這裡，找到您想要的東西。

李天命已退休，他們那邊試過出來聚，李天命也出席，但近年我就不清楚了。

李天命的思考藝術對很多人都很大影響，許多人對這種語理分析的認識還是由這本書開始。近年李天命出的書比較有詩意，反而感覺上曲高和寡了。
沙文
2013/12/30 04:26 
離開該教會前，有位弟兄知我對李天命有興趣，送咗本「李天命的思考藝術」畀我
Psyche 發表於 2013/12/29 02:07

呢位弟兄即係叫您走啫, 您位弟兄並唔係知您對李天命有興趣，而係知您想走咋
wolfa
2013/12/30 16:48 
歡迎的說XD
Thompson
2013/12/30 17:10 
歡迎歡迎
Psyche
2014/1/1 21:23 
各位2014新年快樂！大家有冇去邊度玩咁呀？

李天命出的書比較有詩意，反而感覺上曲高和寡了。

除了詩集，《殺悶思維》也有很多好詩！估計《哲道行者》暫時銷量不及《李天命的思考藝術》，可能和入面的「33教謬」有關。但長遠應該會有正面影響，即所謂的「給宗教沐浴，擦掉其中的愚言蠢思」。

呢位弟兄即係叫您走啫, 您位弟兄並唔係知您對李天命有興趣，而係知您想走咋

哈哈！佢應該係覺得真理愈辯愈明。我地依家仲有聯絡嘅，但可能半年先見到一次咁囉。
Thompson
2014/1/2 09:54 
回覆 6# Psyche


    你位弟兄應該係李天命粉絲吧, 那他有沒有離教?
抽刀斷水
2014/1/2 14:22 
聽以前女友的教會朋友，想考傳道人時，都要看思考藝術這本書的，可見對教會來說，其江湖地位很重要。
沙文
2014/1/2 15:26 
回覆 8# 抽刀斷水


    凡戰者，以正合，以奇勝。既然他們已識思方劍法，我們就要另闢途逕，不能再固守於思方劍
抽刀斷水
2014/1/2 21:17 
佢地已經識好多野喇喎，莫非我地要做發明家乎？
沙文
2014/1/2 23:11 
回覆 10# 抽刀斷水


    差不多啦。
點解大秦景教咁低能呢，就係因為佢地係predictable, 講來講去都係3幅被所講嘅嘢，冇一樣係您唔知咖嘛
抽刀斷水
2014/1/3 00:20 
最估你唔到，就係你或我去信耶教囉。我成日都想整個專欄：「抽刀斷水在教會的日子」，但苦無incentives。
沙文
2014/1/3 10:26 
回覆 12# 抽刀斷水

咁又唔係, 我話咗我係會信嘅。
http://exchristian.hk/forum/view ... &extra=page%3D1

不過唔知到時您信唔信我信啫
Psyche
2014/1/12 22:24 
你位弟兄應該係李天命粉絲吧, 那他有沒有離教?

唔係，亦沒有離教，仲諗緊做果啲咩執事幹事添。
最近我送番本新嘅《李天命的思考藝術》畀佢，但我估佢應該冇睇。
凡戰者，以正合，以奇勝。既然他們已識思方劍法，我們就要另闢途逕，不能再固守於思方劍

我估計，以他們的程度，應該只會讀，例如只會朗誦，但不會讀懂。