逃出魔幻紀
2019/6/16 22:34 
我在前半生曾經做過多次重大抉擇,憑著自己的小聰明及努力,基本上百發百中,因此覺得自己就像人生的常勝者而沾沾自喜。直至有一次,需要做一個投資大抉擇,我憑自己一向自豪的羅輯小聰明作了當時自認為是很明智的決定。但是,所選擇的一方後來不怎麼賺錢,而被我捨棄的一方卻以火箭般的速度成長,屢次想改弦易轍追回損失,但因積重難返而無能為力。這個錯誤所造成的損益差額相當於一個頂級受薪人士幾輩子的收入。這件事令我長期不能釋懷,覺得自己就像在奧運會爭冠軍的決賽中馬失前蹄而抱憾終生。雖未至於抑鬱,但負面情緒就像一個幽靈般跟隨著我,冷不防在我的心頭咬上一兩口,令我的前額及心頭好像被刻上“後悔”兩字不能擦掉一樣。曾用過很多思考及靈性的方法對付它,例如用 “比上不足比下有餘、隨緣、不執著、放下” 等方法思考以開解自己,但這陰魂不散的東西始終驅之不去。成為基督徒之後,我厚著面皮大膽嚐試請求耶穌幫助,求令我理解這個錯誤抉擇及其後遺症在我生命中的意義。祈禱了幾天便得到如下信息:“這次錯誤的投資決擇充其量只能導致人生在世幾十年的後悔,但如果在天堂與地獄的方向選擇上犯錯,就會導致永遠及無限的後悔和痛苦。就如貧窮是人生奮鬥的推動力一樣,人生的失意也可成為靈魂奮鬥的優質燃料。”
得到這個解答之後,我額上及心中的刻字消失了,長期跟著我的幽靈亦像煙被風吹一樣消失得無影無蹤。而且,心中産生了一份在大考試中及格過關的喜悅。
跟大家分享這個經歷,是想説我每次山窮水盡徬徨無助時,轉而求助於耶穌都能獲得力量,剋服困難而獲勝,且這種得益是毋須付出任何令人不安的代價去交換,那種踏實感及喜樂感,真是非筆墨所能形容。
旁觀者
2019/6/16 23:15 
移鼠話有求牠的牠必成就,信牠的必得著百倍,閣下何不求牠dup一百億落來,就唔使悶翳囉。
beebeechan
2019/6/16 23:24 
移鼠話有求牠的牠必成就,信牠的必得著百倍,閣下何不求牠dup一百億落來,就唔使悶翳囉。 ...
旁觀者 發表於 2019/6/16 23:15



一千幾萬億, 無問題.
你有需要, 我畀你!
beebeechan
2019/6/17 00:12 
本帖最後由 beebeechan 於 2019/6/17 00:21 編輯
移鼠話有求牠的牠必成就,信牠的必得著百倍,閣下何不求牠dup一百億落來,就唔使悶翳囉。 ...
旁觀者 發表於 2019/6/16 23:15


你真係未做過老荳, 就算做咗都係唔曉點做老荳過類!

你個仔係百貨公司玩具部扭計顛地要買過款玩具,
你就會買, 買佢怕過種?

你唔曉諗個玩具係咪啱佢玩,
就算啱佢玩, 你亦想買畀個仔, 都唔會因為佢依家扭計就買
beebeechan
2019/6/17 00:16 
移鼠話有求牠的牠必成就,信牠的必得著百倍,閣下何不求牠dup一百億落來,就唔使悶翳囉。 ...
旁觀者 發表於 2019/6/16 23:15



    一百億, 唔係人人曉點去運用既

畀一百億你, 你做咗土豪, 嫖賭飲吹, 十項全能咁......係害你多個祝福你,

當你有一個好的, 造福人群的運用一百億既方案時, 上邊老闆就畀你...都唔係無可能既.
beebeechan
2019/6/17 00:20 
移鼠話有求牠的牠必成就,信牠的必得著百倍,閣下何不求牠dup一百億落來,就唔使悶翳囉。 ...
旁觀者 發表於 2019/6/16 23:15



    你呢副信神只為求財既醜態,
基督宗教唔啱你㗎,
你不如養鬼仔哩....有啲人地話都幾靈
龍井樹
2019/6/17 11:48 
這件事令我長期不能釋懷,覺得自己就像在奧運會爭冠軍的決賽中馬失前蹄而抱憾終生。

逃出魔幻紀 發表於 2019/6/16 22:34


《幾許瘋語》-- 盧海鵬

...
心底之中失分寸 終於黐咗線
披荊斬棘的挑戰 青山不眷戀

----

所謂百發百中,其實不過係一時好運,老襯當旺。明白人生無常,幸運不可恃,做人自然安樂自在。麻藥能夠起一時鎮痛作用,但會令人上癮,漸漸使人對身邊一切人和事麻木不仁。只有直面真相才能使人放下心結,從新上路。
beebeechan
2019/6/17 22:30 
本帖最後由 beebeechan 於 2019/6/17 22:35 編輯
所謂百發百中,其實不過係一時好運,老襯當旺。明白人生無常,幸運不可恃,做人自然安樂自在。麻藥能夠起一時鎮痛作用,但會令人上癮,漸漸使人對身邊一切人和事麻木不仁。只有直面真相才能使人放下心結,從新上路。

龍井樹 發表於 2019/6/17 11:48


所以話, 宗教, 信仰...幾時都係講經歷
你無咁既經歷, 叫你信, 真係幾難㗎

正如, 梅瑟五書中給以色列人定了613條法規, 以上主之名,
唔可以做乜做乜, 犯了要死,
一定要做乜做乜, 唔做又犯罪
今日叫你跟住做一個月吖....你做到都難!
有時仲會認為當年以色列人守埋咁既規矩好鬼戇膠

點解當年成二百萬人(60萬成年男子加婦女, 兒童, 加外邦人)都咁一條心, 跟住做呢?


因為佢地經歷過過紅海, 上主替他們打敗曠野中強大敵人,
給他們水, 瑪納, 間中整餐有鵪鶉食下
beebeechan
2019/6/17 22:39 
正如話你發口痕:有神既就俾我連中六次六合彩丫!

你又真係連中咗六次, 發大財哩...

咁你仲會唔會話係『一時好運,老襯當旺』,
你會唔會信真係有個神呢?

樓主話佢信, 係因為佢經歷過神給予的啟示, 恩惠卦
beebeechan
2019/6/17 22:41 
本帖最後由 beebeechan 於 2019/6/17 22:54 編輯

點解當年成二百萬人(60萬成年男子加婦女, 兒童, 加外邦人)都咁一條心, 跟住做呢?


144萬人上街, 因為一條心, 大家都有個林鄭
當年以色列人都係一條心.........係乜野令200萬人都一條心呢
旁觀者
2019/6/18 02:16 
成為基督徒之後,我厚著面皮大膽嚐試請求耶穌幫助
逃出魔幻紀 發表於 2019/6/16 22:34

        「天主」從没要收牠要以色列人去殺清的異族做「靚」,移鼠也没要讓異族人吃碎渣:
        「《舊約》清清楚楚地表明了耶和華只不過是以色列人的神,《新約》清清楚楚地表明了耶穌只不過是以色列人的救世主(《太10.5》:外邦人的路,你們不要走。撒瑪利亞人的城,你們不要進。寧可往以色列家迷失的羊那裏去。《太15.24》:耶穌說,我奉差遣,不過是到以色列家迷失的羊那裏去。)《聖經》再好,也只是別民族的經書;基督教再妙,也只是別民族的宗教,更何況其教義淺薄荒謬,其教規野蠻殘忍,其教史血腥兇暴了。這種靠洋槍洋炮的威脅、奶粉麫包的利誘硬塞進來的破爛,我們理當原物奉還,更無需去當吃碎渣兒的狗。……
        可見這些有信心的異邦人,在耶穌的眼中,也不過是吃桌子上掉下來的碎渣兒的狗而已。只有以色列人才是坐在桌上大啃聖餅的主人。
        而我們,才是自己文化的主人。我中華文化博大精深,儒、墨、法、道、禪、玄,哪一個不比基督教更真、更美、更善?這世上,豈有主人不當去當別人的狗之理?讀了十年《聖經》,還真沒發現有絲毫的可取之處。
        羅素說:耶穌所講的話,凡稍有可取的,佛陀、老子都早已講過--真是於我心有戚戚焉。」《吃碎渣兒的狗》方舟子 「新語絲」電子文庫1997.9.23日
        理性思維者會問:為啥要那麼犯賤,去死抱賤視自己的東西的大腿喊爹﹖
旁觀者
2019/6/18 02:17 
加入一個l背負幾億生命血債的邪教,只有增加自己的惡業,絕對進不了天堂,假如有的話。
beebeechan
2019/6/18 05:35 
..
「《舊約》清清楚楚地表明了耶和華只不過是以色列人的神,
旁觀者 發表於 2019/6/18 02:16


你咪亂拋經

咁你點理解
創世紀12:3
我要祝福那祝福你的人,咒罵那咒罵你的人;地上萬民都要因你獲得祝福。」

創世紀係舊約中的書,
甚麼是『地上萬民』?

人人有份, 一早就在舊約中啟示過
beebeechan
2019/6/18 05:42 
我中華文化博大精深,儒、墨、法、道、禪、玄,

旁觀者 發表於 2019/6/18 02:16

從另一角度睇, 也是說中華兒女, 找的找, 找東又找西,
都找不著一個使人覺得是完滿了的信仰。

就是覺得儒家都仲有唔妥, 先諗出個墨家, 法家
道士唔掂便搞搞襌, 弄弄佛
beebeechan
2019/6/18 06:14 
羅素說:耶穌所講的話,凡稍有可取的,佛陀、老子都早已講過
旁觀者 發表於 2019/6/18 02:16



    依這句語法, 
耶穌講的話, 也是有可取的。

或是:
佛陀, 老子講過『可取的話』, 也只屬『稍有可取』的級數而已?

你實在是抺黑耶穌, 定係想抺黑佛陀, 老子?
逃出魔幻紀
2019/6/18 13:47 
回覆 11# 旁觀者
我唔識點樣喺人哋篇文章度整一段說話出嚟作針對性答覆,淨係識得剪貼,希望有網友能夠教下我。

旁觀兄嗰篇類似大陸民族主義文章嘅下列一段說話,令我聯想到另一個人:
“而我們,才是自己文化的主人。我中華文化博大精深,儒、墨、法、道、禪、玄,哪一個不比基督教更真、更美、更善?這世上,豈有主人不當去當別人的狗之理?讀了十年《聖經》,還真沒發現有絲毫的可取之處。 ”
以上論述令我聯想到曾經喺呢個網站抑或邊度睇過一個離開基督教嘅人所寫嘅一篇長文,佢曾經喺教會入邊好努力學習好努力做嘢,並顯示自己曾經做過組長乜長物長之類覺得有成就感仲好有上進空間噉話,並歷數基督教會內嘅人事糾紛牧師教友自私之類嘅諸多不是,令我印象最深刻嘅係佢話教會要求佢依登山寶訓而行,令佢覺得內心鬱悶,成日要原諒得罪自己嘅人,就嚟變成“娘娘腔”喇噉話。睇完佢篇文章,我覺得人類萬惡之首 - 驕傲自大佔據咗佢內心好大部分嘅空間,唔怪得佢咁委屈要離開教會啦。旁觀兄嗰篇文章我剪貼嗰段說話亦都係噉,文章作者將信基督教嘅人想像成外國狗,信仰儒釋道包括外國佛教者先至係人,雖然都係出於不能愛己及人嘅自大,但係這種義和團式嘅人狗邏輯,比上述娘娘腔嗰種驕傲層次更低。
龍井樹
2019/6/18 14:23 
正如話你發口痕:有神既就俾我連中六次六合彩丫!
咁你仲會唔會話係『一時好運,老襯當旺』,你會唔會信真係有個神呢?
beebeechan 發表於 2019/6/17 22:39


就算唔係口痕我都會講:「你叫耶穌嚟講囉...」
當然次次耶穌都係潛水啦。
龍井樹
2019/6/18 14:25 
144萬人上街, 因為一條心, 大家都有個林鄭
當年以色列人都係一條心.........係乜野令200萬人都一條心呢
beebeechan 發表於 2019/6/17 22:41


係憤怒
抽刀斷水
2019/6/18 18:58 
回覆  旁觀者
我唔識點樣喺人哋篇文章度整一段說話出嚟作針對性答覆,淨係識得剪貼,希望有網友能夠教下我 ...
逃出魔幻紀 發表於 2019/6/18 13:47



    按「引用」,預設係回應該帖既開頭,如果你想回應中段,就首先將該段複製,按引用後把開頭改為你想要回應的段落。
beebeechan
2019/6/18 21:03 
係憤怒
龍井樹 發表於 2019/6/18 14:25


啲人話上街唔係暴動。

按警務處長昨日講話解話,
暴動,是指示威中使用暴力的一小部份人已。
其他人參予者唔係暴動。.....ok!


咁144萬人中,有小部份人係憤怒,
就代表全部人都係憤怒?
會唔會又有啲人係襯熱鬧?


一國兩制,
一話兩說,
一鴨兩吃