逃出魔幻紀
2019/6/17 15:29 
網主你封鎖咗我篇文章《人生列車的方向與燃料》,我心有不服,但係又唔知點樣上訴,所以喺呢度向你表達我嘅意見:
1)遵守網規,係網友嘅義務同責任。但係我遍查閒聊版網規,都冇條文禁止曾經喺其他版發表過嘅文章再喺本版發表,我冇違反版規嘅任何條文。
2)除咗禁止謾駡攻擊唔尊重他人等,閒聊版並冇規定貼文話題嘅內容,我見到冇宗教同有各種宗教背景嘅版友(包括撐同埋反基督)都可以喺度發表佢哋嘅話題,所以你嘅鎖貼應該同宗教無關,但係我冇查過係咪有網友喺不同版貼相同文章而俾你鎖,如果係呢個理由,版主應該增加新版規。
3)如果話相同文章唔可以喺不同版分別發表,我覺得亦都唔合理,各版面有各版面嘅人群,喺各個版面討論相同嘅話題,可以令問題得到更充分更全面嘅討論,林鄭月娥今次就係淨係顧住聽建制派嘅意見,而唔聽其他派嘅嘢意見,所以先搞到側埋一邊唔平衡咁大鑊。當然,討論區係由網主話事,就正如國有國法家有家規,無論掌握權力嘅國家統治者或者家長,係開明人又好系獨裁者又好,佢哋制定嘅規則,受管轄嘅人必須服從,不過一定要事先講清楚規矩,如果唔係就會好撈較,譬如香港如果一錘定音立咗條法律話妄議政府或聚眾示威者,一律炮決,或狼狗決,其九族亦必被淩遲處死,香港人就會收聲忍氣搵食,唔會搞咁多嘢。但係而家政府又話公平公正公開,民主自由法治等等噉話,跟住又做相反嘅野,啲人覺得佢虛偽先出嚟嘈之馬,基督宗教嘅教理亦都如此,基督徒認為宇宙係天主/上帝所造,規矩由天主/上帝所定立,一切受造物必須服從,所以先俾非基督徒攻擊為暴君殺人魔王之類(當然認識基督教理嘅基督徒認為天主/上帝係仁慈嘅主)所以,如果網主講明閒聊版係對撐基督言論專政嘅地方,唔理有理冇理心情靚就掹槍出嚟打靶基督徒嘅地方,噉我被封鎖都會心服口服。
因此,如果網主覺得現有版規已足夠無需新增,如果閒聊版唔係毫不講理打把基督徒嘅地方,本人懇請網主解鎖有關文章。
龍井樹
2019/6/17 16:44 
回覆 1# 逃出魔幻紀

閒聊定版務先?閒聊的話唔好話網主唔答你,版務的話你唔好又話人移你文。
抽刀斷水
2019/6/17 19:58 
本人裁定樓主文章《人生列車的方向與燃料》按版規總則第F5條應移往適當版區(即基督宗教區),因該區亦發現相同貼文,因此把位於閒聊區的相同文章鎖起,並附上指向基督宗教區相同貼文的連結。

本人現裁定此文《家規、國法丶及宇宙法則》按版規總則第F5條應移往適當版區(即網站意見‧版務區),現把本文移至該區並保留指向連結。

有關鎖文的操作,本人的權力按版規總則D3c「Discuz!或論壇應用軟體管理員之所有權力而不違背【版規總則】者」而被賦予。

感謝你的意見。
逃出魔幻紀
2019/6/18 12:57 
本人裁定樓主文章《人生列車的方向與燃料》按版規總則第F5條應移往適當版區(即基督宗教區),因該區亦發現 ...
抽刀斷水 發表於 2019/6/17 19:58

感謝抽刀網主回覆。由於我的粗心及懶惰,未瞭解清楚總版規就去質疑管理人員的工作,确實不妥。基於好奇心及避免因不懂規則而再犯低級錯誤的動機,試圖查找總版規F5及相關規則,因自己在使用電腦方面的低能,找不到總版規,但這並不妨礙我對版主一言九鼎講道理負責任的管理方法的佩服及尊重。在此謹向抽刀斷水版主道歉!
沙文
2019/6/18 15:50 
回覆 4# 逃出魔幻紀

here you go
https://exchristian.hk/forum/vie ... F%E7%B8%BD%E5%89%87
抽刀斷水
2019/6/18 18:52 
回覆 4# 逃出魔幻紀


    不用道歉,希望你享受在本網的時光。
逃出魔幻紀
2019/6/18 22:57 
回覆  逃出魔幻紀

here you go
沙文 發表於 2019/6/18 15:50


唔該沙先生!