逃出魔幻紀
2020/3/14 16:00 
本帖最後由 逃出魔幻紀 於 2020/3/14 19:15 編輯

本討論區（曾經？）有個仗義出任版主嘅日光姐喺《關於討論區的小小聲明》中講過：『來得這兒討論的, 相信也是共同抱着真理愈辯愈明這信念。為達致有利討論的良好氣氛，希望各位在此區能夠理性討論』，鑒於佢嘅信念同我尋找真理嘅理念相吻合，我就入咗嚟學嘢。嘢就真係學咗唔少，但並非通過理性討論，而係通過觀察、思考、同聖神嘅帶領。
我同網主抽刀先生講過好多次，話呢個討論區好似一間學校，令我獲益良多，呢個的確係事實。
唯與預期略有出入者，係本來諗住呢度聚集衆多離教者，各人離教嘅原因同經歷，應該可以令我從另外角度反思同學習，從而加深理解天主耶穌基督嘅道理。但係呢，喺度發言嘅離教者少得交關（基本上得幾個唔知有冇讀過聖經入過教嘅仇基反基者），佢哋喺度不斷重複播放啲『扶清滅洋，刀槍不入』嘅中古錄音帶以自娛，冇乜討論價值，但我發現唯一一個自幼讀基督教同天主教學校嘅沙先生，識得聖經，而且好似鍾意從聖經、邏輯、同文化歷史等多角度討論問題，令我以為搵到有心探求真理嘅人，以為日光姐所言不虛。點知同沙先生傾過幾次偈之後，發覺佢次次講到自己邏輯混亂講唔落去嘅時候，就扯下道貌岸然嘅學者面具，扯東扯西胡言亂語，講埋啲屎尿屁毛兼隨地吐痰，仲話呢度係屎尿屁吐痰區，唔係討論區，話我搞錯咗噉話。嘿！呢啲屎尿屁毛仲funny 過嗰啲扶清滅洋，嘿嘿！反基ver……，不過從好嘅方面諗，芸芸長期潛水網友之中，淨係浮得幾件屎尿屁毛上嚟，講明反基陣營都唔係咁多鐵粉啫。
唔知日光姐係咪俾呢度嘅唔理性唔良好嘅冷清氣氛悶走左呢？而家我都知道呢度唔係邏輯討論尋找真理嘅地方啦，只不過係各說各話嘅地方。因為理性討論要保持自己論據嘅邏輯性，成本高；而扶清滅洋刀槍不入屎尿屁毛嘅吐口水式發言則全無成本，兩者就好似拳擊比賽同吐痰鬥大篤比賽，風馬牛不相及，大纜都扯唔埋。
多謝抽刀校長，呢一堂課又有收穫喇，喺各位導師嘅悉心指導下，我重溫咗聖經嘅教導：「然而屬血氣的人，不能領受天主聖神的事，因為為他是愚妄；他也不能領悟，因為這些事只有藉聖神纔可審斷。惟有屬神的人能審斷一切，但他卻不為任何人所審斷。」
我好似開始有啲體會到獨孤求敗嘅寂寞。
beebeechan
2020/3/14 21:15 
點知同沙先生傾過幾次偈之後，發覺佢次次講到自己邏輯混亂講唔落去嘅時候，就扯下道貌岸然嘅學者面具，扯東扯西胡言亂語，講埋啲屎尿屁毛兼隨地吐痰，仲話呢度係屎尿屁吐痰區，唔係討論區
逃出魔幻紀 發表於 2020/3/14 16:00


呢個沙文，　當佢要講屎尿毛既時候，　
就即係佢才盡了，　無野好回但又要死要臉過種囉。

其實佢係我地既回應中，　默默地都係學緊野既。
逃出魔幻紀
2020/3/14 22:27 
呢個沙文，　當佢要講屎尿毛既時候，　
就即係佢才盡了，　無野好回但又要死要臉過種囉。

其實佢係我地 ...
beebeechan 發表於 2020/3/14 21:15

佢有冇學嘢我就唔知，我就真係默默學緊嘢。就算唔講神學，黑格爾嘅『存在即合理』哲學觀都幾啱用嚟解釋目前嘅狀況，各人以自由意志操縱住自己獨有嘅過去現在將來，同時又令大家嘅過去現在將來不斷交錯互動，頗有《阿凡達》同《潛行兇間》嘅況味，幾好玩架，次次嚟上堂我都覺得有收穫架。
beebeechan
2020/3/14 22:32 
不過從好嘅方面諗，芸芸長期潛水網友之中，淨係浮得幾件屎尿屁毛上嚟，講明反基陣營都唔係咁多鐵粉啫。
逃出魔幻紀 發表於 2020/3/14 16:00


整整下會唔變咗係「天主教之家」呢
逃出魔幻紀
2020/3/14 22:46 
整整下會唔變咗係「天主教之家」呢
beebeechan 發表於 2020/3/14 22:32


亞肋路亞！
旁觀者
2020/3/15 23:58 
嘢就真係學咗唔少，但並非通過理性討論，而係通過觀察、思考、同聖神嘅帶領。
逃出魔幻紀 發表於 2020/3/14 16:00

    凡係有啲理性，都知：
    「盲信」移鼠；
    移鼠「用極端方式救人」
    係冇理性人嘅話。
    一個冇理性嘅人，如何「觀察、思考」﹖只能由「聖神（經）嘅帶領」。
beebeechan
2020/3/16 00:03 
凡係有啲理性，都知：
    「盲信」移鼠；
    移鼠「用極端方式救人」
    係冇理性人嘅話。
    一 ...
旁觀者 發表於 2020/3/15 23:58


寫個帖都甩甩咳咳。。。。。無銀用
逃出魔幻紀
2020/3/16 13:05 
睇到日光姐同Step.King兩個懷著良好願望親筆寫落嘅『理性討論』牌匾，長年累月受到屎尿毛痰蹟嘅污染，佢哋嘅難過心情不難理解。如果要佢哋親手將牌匾改寫成『屎尿屁毛吐痰區』，我諗佢哋嘅良心同自由意志又做唔出，……，難啊！做事唔容易，做好一件事更加難！日光姐佢哋兩個係咪帶住遺憾，黯然神傷噉進入咗荒野默想？定係已經領悟到光明同黑暗嘅分別，轉移咗去另一個光榮耶穌基督嘅學校繼續進修呢？
龍井樹
2020/3/16 17:14 
整整下會唔變咗係「天主教之家」呢
beebeechan 發表於 2020/3/14 22:32


我當呢度係傻佬之家，盡量少啲上嚟。一來為免沾染傻氣，二來我根本搭唔上嘴。
beebeechan
2020/3/16 21:55 
本帖最後由 beebeechan 於 2020/3/17 00:24 編輯
我當呢度係傻佬之家，盡量少啲上嚟。一來為免沾染傻氣，二來我根本搭唔上嘴。 ...
龍井樹 發表於 2020/3/16 17:14



呢到傻氣重, 的確係事實。

因為版主要捍衛「人人都有發言權」，是本壇首要宗旨，　　所以大家都要忍受一些傻帖，　低Ｂ言論，　屎尿屁。


同樣：
現代人不要宗教審裁，　不要宗教岔隻腳落施政事宜上，　我們也要容忍會有一些魚目混珠，　呃人騙鬼的神棍教會。


上主要『自由旨意』為首要宗旨，　人也要容忍社會上會有罪惡，　弱者被屠殺，　搶，　姦的事。
beebeechan
2020/3/16 21:56 
我當呢度係傻佬之家，盡量少啲上嚟。一來為免沾染傻氣，二來我根本搭唔上嘴。 ...
龍井樹 發表於 2020/3/16 17:14


這也是傻氣充壇的原因之一囉。
没有理性討論，　米只餘下傻氣囉。
為甚麼不用多些理性討論，　使傻氣搭唔上嘴呢？
beebeechan
2020/3/16 21:57 
我當呢度係傻佬之家，盡量少啲上嚟。一來為免沾染傻氣...
龍井樹 發表於 2020/3/16 17:14


呢啲唔同covid-19。
經上耶穌接觸麻瘋者，　罪人，　只是有病的, 有傷殘的，　有罪的被治好，你見耶穌會沾上病，　罪嗎？
古語也有生於污泥而不染嘛。
逃出魔幻紀
2020/3/16 22:16 
這也是傻氣充壇的原因之一囉。
没有理性討論，　米只餘下傻氣囉。
為甚麼不用多些理性討論，　使傻氣搭唔 ...
beebeechan 發表於 2020/3/16 21:56



    我就冇你咁樂觀喇，我都係堅持呢個諗法：『理性討論要保持自己論據嘅邏輯性，成本高；而扶清滅洋刀槍不入屎尿屁毛嘅吐口水式發言則全無成本，兩者就好似拳擊比賽同吐痰鬥大篤比賽，風馬牛不相及，大纜都扯唔埋。』而且，耶穌都教過我哋：「你們不要把聖物給狗，也不要把你們的珠寶投在豬前，怕牠們用腳踐踏了珠寶，而又轉過來咬傷你們。」（瑪7:6）
beebeechan
2020/3/16 22:26 
我就冇你咁樂觀喇，我都係堅持呢個諗法：『理性討論要保持自己論據嘅邏輯性，成本高；而扶清滅洋刀槍不入屎尿屁毛嘅吐口水式發言則全無成本，兩者就好似拳擊比賽同吐痰鬥大篤比賽，風馬牛不相及，大纜都扯唔埋。』

.
逃出魔幻紀 發表於 2020/3/16 22:16


咁屎來屎往，　都唔使太高成本既
沙文
2020/3/16 22:51 
回覆 1# 逃出魔幻紀

您又唔驶咁sentimental, 世上好多人/組織嘅真面目都唔係佢地自己宣稱咁樣咖啦。
至少您都學到呢樣嘢。


雖然喺貴会都有得學, 但温故知新, 而又不需畀1/10, 有您著數。


嗱, 呢位教友又夠以為聖座係天主在凡間代表, 一定慈祥親切平易近人。


點L知:

beebeechan
2020/3/16 22:58 
本帖最後由 beebeechan 於 2020/3/16 23:06 編輯
回覆  逃出魔幻紀


嗱, 呢位教友又夠以為聖座係天主在凡間代表, 一定慈祥親切平易近人。

沙文 發表於 2020/3/16 22:51

咁耶穌都有路見不平，　拔鞭抽人既時刻。


耶穌都會㷫，　點解教宗唔會

況且，　教宗都是常人一個，　唔係耶穌上身，　你唔好亂諗野
沙文
2020/3/16 23:08 
耶穌嗰時未有呢尐coueses. 您唔好太過怪責佢
https://ca.coursesforsuccess.com ... VxTXDAaAgTBEALw_wcB
beebeechan
2020/3/16 23:16 
本帖最後由 beebeechan 於 2020/3/16 23:19 編輯
耶穌嗰時未有呢尐coueses. 您唔好太過怪責佢
沙文 發表於 2020/3/16 23:08



    比起佢老荳，　耶穌在世好平易近人哩
唔會立即使人反肚，　唔會用大洪水，　天火焚城，　派奪命天使來收命。。。
最多都係鞭你兩野

仲教人俾人打右臉，　俾埋左臉佢打，　
被搶　canada goose 就送埋底褲。。。。。直頭開course (唔係coueses)　教人都得
沙文
2020/3/16 23:18 
父子一齐報名可能有折扣
beebeechan
2020/3/16 23:21 
本帖最後由 beebeechan 於 2020/3/16 23:23 編輯
父子一齐報名可能有折扣
沙文 發表於 2020/3/16 23:18


一個人唔好霸兩個位哩，　仲要交兩份錢？　蠢豬！

你訂機票係咪訂埋隔嚟個位，　你有兩個籮友