沙文
2024/10/7 22:52 
管浩鳴：性衝動去打羽毛球例子不夠貼地 可改為「沖個凍水涼」

教育局教導學生拒絕婚前性行為嘅教材，引起市民廣泛討論。身兼聖公會牧師嘅選委界立法會議員管浩鳴話，教材提到有性衝動嗰陣去運動場打羽毛球嘅例子可能唔夠貼地，如果改做「沖個凍水涼」等等，可能會更加適合。

管浩鳴向傳媒分析，政府嘅角色喺制定教材嗰陣應該相對保守，加上有關教材嘅受眾係12至14歲初中學生，如果向佢哋提供太開放嘅內容，恐怕會有問題。所以，管浩鳴覺得教育局制訂教材嗰陣已經平衡兩難，教材內容合理。

「沖凍水涼」例子或更適合
不過，對於教材提到面對異性出現生理反應嗰陣，可以轉移去運動場打羽毛球，管浩鳴覺得呢個例子可能唔夠貼地。佢建議改成一啲容易理解同埋生動嘅做法，例如改做「沖個凍水涼」等等，可能更加適合。
beebeechan
2024/10/7 23:32 
好科學架....冷縮熱漲嘛
抽刀斷水
2024/10/8 11:06 
你無試過沖完凍水涼個身係㷫烚烚既咩？

洗冷水澡令男士雄風再現？盤點7個沖凍水涼好處 (hk01.com)