導人向善
有一次BBQ大食會，老婆叫我批蘋果招呼朋友，於是就被發現我有此特長。一個朋友話，咁都得？你屋企以前做生果檔咖？ 我笑下擰頭，唔好意思解釋我點會識。此時一位女士出聲：“我知佢點解識！” 佢就係Paulina姐，杜琪峯老婆。大導演老婆果然有見識，好似《天龍八部》嗰個王語嫣，一睇就知你武功家數，這招的師承來歷，佢指出我自己都幾乎唔記得的一段咸豐年往事，搞到我當堂紅都面曬。 我小學嗰陣，有同學話畀我聽一個都市傳說：在黑暗中，鏡前點一枝蠟燭，對住鏡批蘋果，你將來老婆個玉容就會在鏡中顯現。但係，千祈不能批斷蘋果皮，若果不幸批斷咗，咁就大檸樂，老婆會破相！ 於是，我呃嫲嫲話老師話have an apple a day keeps the doctor away.我又唔算呃，老師真係有咁教喎，嫲嫲就keeps買蘋果畀我苦練，由於我驚睇住蘋果批蘋果，就唔顧得睇塊鏡，所以難度都相當高，唔記得練咗幾耐。神功終於練成。 雖然我畀人昆咗，但係都算有得益吖，至少學識咗唔駛睇住都批到果。所以我諗，even畀人揾笨，如果呃你嘅system係設計成呃到你向善，都會work嘅。 可能有些人唔介意宗教嘅內容流定堅，以為只要導人向善，流都冇乜所謂。所以，你信投胎的話，今世就唔敢成日勾義嫂、洗馬欖、著紅鞋，都起到一定作用嘅。不過自從我被鏡前批蘋果搵笨柒之後，呢味嘢就對我唔起作用喇。 不過好在，佢又唔係totally揾笨，其中有一part都係靈嘅 – 我老婆真係冇破相喎！所以對於宗教，我又唔係完全唔信嘅。 至於咁樣算係可證偽定可證虛.......，我就費L事咁煩。 都市傳說同聖經一樣，講同一件事, details總會有不同versions，呢位仁兄嘅描述同我同學仔又有啲唔同:https://folklore.usc.edu/peeling-an-apple-in-front-of-a-mirror/ 佢條件冇咁辣，果皮斷咗都只係會睇唔到老婆，技術要求冇我同學咁高。 我有個差佬friend, 佢話畀我聽佢哋interrogating嘅一項好重要技巧，就係go into details, 如果幾條友夾口供, 你問得details越多, 就會發現破綻越多。因為佢哋夾口供冇可能顧及所有details。只要問到佢地預料唔到你會咁問，你就知道一定有景轟。例如復活嗰日，有幾多個人坐喺舊石旁邊，舊石係幾時被搬開嘅，就有唔同versions. (以上4句係我自己加嘅) 這段往事，聽得最過癮嘅係我老婆，當晚佢就同我鴛鴦浴: 「乜原來你真係咁想見到我咩?嗱，畀你睇飽佢喇…… | |||||
仲有睇頭咩? 地心吸力, 日子有功 | |||||
咁你苦練時一定有批斷過。 即係你老婆其實破過唔少次相, 今日個相, 係咪去韓國整容修補出嚟架? | |||||
即是咁，平時神父請你食餅，買樽cheap cheap地紅酒嗒下，點知唔小心打爛咗，係唔係倒瀉聖體呢？ | |||||
淨係睇個樣都仲得得哋嘅。平時做埋曬啲facial, spa, mask......錢都唔係白駛㗎嘛。 鏡頭影唔到膊頭以下, 咁咪得囉。好似杜琪峰啲戲都係咁上下尺度 | |||||
即係食米芝蓮級西餐, 都係個湯, 麵包,頭盤OK就掂勒 個主菜份牛扒鞋煠楪都可以接受既 | |||||
| |||||
係全靠victoria secret 就真 | |||||
| |||||
係咪咁？ | |||||
|