其實阿kam講得有道理
應阿占要求，破例嘥時間喺度發一貼指出佢嘅錯誤，唔知乜嘢原因，喺《重要的事情說三遍》發長篇回貼被斬斷，想正面回覆阿占都發唔出回貼，唯有獨立開貼。 阿占：其實阿kam話你自打嘴巴係一個合邏輯嘅指控，因為「乜都唔敢覆我」同「乜都唔敢正面回覆我」喺邏輯上係兩個唔同嘅概念，「乜都唔敢覆我」係一個母集，佢嘅子集包含咗「乜都唔敢正面回覆我」，同時亦包含埋「乜都唔敢側面、斜面、上面、下面、後面、⋯⋯用語言、文字、手勢、表情等一切令我接收到嘅方法去實質地或敷衍地對我嘅問題作出回應」，總之，「乜都唔敢覆我」就係Ngeh 都唔敢Ngeh，正面斜面任何面都唔敢，完全收聲；所以，話某人「乜都唔敢覆我」，然後又話「佢有時又敢敢地但係唔敢從正面而從側面已讀亂回好敷衍咁回覆我」，係咪好滑稽？所以，你嘅邏輯完全講唔通，阿kam講得冇錯。 另外，「乜都唔敢正面回覆我」嘅「正面」係一個好難有共識嘅狀態，如果你話90度係正面，偏差0.1度都唔算正面，咁用邊一句說話回答你先算係90度？可見「正面」嘅龍門好容易俾人搬嚟搬去，拗落去就變成街市嗌交，沒完沒了。「乜都唔敢覆我」就係永遠收聲，係一個冇可能引起任何誤解嘅確定狀態；而「乜都唔敢正面回覆我」卻係一個包含咗無限個發聲回覆方法嘅不確定狀態。 阿占你叫我提出證據去證明我嘅指控係基於事實，我就喺#72用聖經嘅原則「正面回覆」你：「我唔係提唔出，而係做唔出，做唔出當眾叫人去睇邊一篇文章第幾頁第幾樓阿占自稱基督徒但係用粗口同耶穌基督嘅名字放喺同一個句子入邊，將耶穌嘅名字同非常下流嘅變態性行為動作放喺同一個句子入邊，我如果咁樣做係惡表，正如你自稱基督徒但同時又講啲咁嘅污穢說話咁惡表一樣，我絕對做唔出呢種擴大壞影響嘅行為」，你自稱基督徒，唔單止冇反省自己嘅污穢言行，仲竟然置「擴大壞影響」於不顧，繼續堅持要我舉證；咁好啦，我喺唔擴大壞影響嘅前提下，用比喻嘅方法「正面回覆」你： 耶穌基督對基督徒話：「我同你們天天在一起，直到今世的終結。」（瑪竇福音28:20）所以基督徒相信主耶穌時時刻刻都陪伴喺自己身邊。噉我問你：「你相唔相信耶穌基督時刻陪伴喺你？如果而家你親眼見到耶穌就企喺你面前，你會唔會屎尿屁生殖器粗口滔滔不絕沖口而出？」請認真答！會就話會，唔會就話唔會，講其他多餘嘅嘢都係出於邪惡。如果你覺得對住耶穌講粗口唔等於侮辱耶穌，好，我再同你講一個比喻： 「阿占周圍同人講自己係朝鮮金正恩將軍嘅忠實粉絲及追隨者，為金將軍馬首是瞻。某日，金將軍邀請阿占、逃出同埋本論壇嘅其他網友一齊去北韓訪問；金將軍喺國賓館接見阿占一行，當準備檢閱儀仗隊嘅時候，阿占忽然握住金將軍隻手，禮轉頭大聲同各位同行網友講：『嗱，趁住而家金將軍喺度，我哋三口六面講清楚啲嘢先。』然後同我講：『阿逃出，我洗耳恭聽，你嘅屋企人係咪話金正恩將軍叫個細路剝光豬俾人玩屎忽？如果你舉唔到確切證據嚟證明你哋冇咁講過，我唯有當你哋認為金將軍叫個細路剝光豬俾佢玩屎忽㗎咋。其實點會有人戇xx唔著衫出街，你連常理都唔識？同人講咩《金正恩著作集》？』然後望住旁觀者、leefeng、BBC、抽刀、kam佢哋全班人講：『我係金將軍嘅好學生，絕對服從金將軍，金將軍講乜我就做乜，絕無偏差；金將軍一向教導我哋要斯斯文文，金將軍嚴令禁止喺朝鮮境內講粗口，但係你哋班X嘢，成X日X講X噏，講X埋曬啲X嘢，你、你、你，仲有你個X頭，一啲都唔X認識金將軍嘅思想路線，一啲都唔X尊重金將軍，因X住X X啊！』」 以上提及肛門嗰部份係阿占你喺本網講過嘅真實說話，只不過我將某啲部份改成咗金將軍個名，以免褻瀆天主；X代表阿占你喺本網講過嘅粗口裏面嘅生殖器名詞或者類似嘅粗俗形容詞，我冇咁多時間逐頁去摷返你啲粗口嘅數量同結構出嚟，但有冇講過你自己心知肚明。阿占，如果你係上邊比喻裏面嘅阿占，你會唔會同嗰個阿占一樣喺金正恩將軍面前咁樣講嘢？一個相信主耶穌時刻與自己同在嘅基督徒會唔會用咁粗俗嘅語言嚟論述基督及聖經？請認真答！會就話會，唔會就話唔會，講其他多餘嘅嘢都係出於邪惡。 唔知你認為我以上嘅回答係正面抑或斜面呢？你唔認同我答錯都冇辦法，亦都冇所謂，我答你一次就要用咁多時間寫咁長篇，你日日撩事鬥非粗口爛舌睚眥必報由朝嘈到晚，答你一句我都覺得自己好無聊啦，如果句句都答你我咪變咗白癡？我同你唔同，我嘅時間要用嚟搵食㗎，仲要用嚟玩啲好玩嘅嘢、食啲好食嘅嘢，邊有咁得閒陪你嗌交？ 再問你一次：基督徒會喺耶穌面前論及基督及聖經嘅時候猛咁講粗口嘅咩？基督徒會不厭其煩咁堅持要人哋重複佢自己講過呢啲粗口嘅咩？基督徒會喺外邦人面前猛講粗口兼要求其他自稱基督徒嘅人一齊講粗口嘅咩？請認真答！會就話會，唔會就話唔會，講其他多餘嘅嘢都係出於邪惡。 你如果係基督徒就即刻返教會搵牧師，俾我呢篇嘢佢睇，等佢評論下我有冇正面答覆你。如果你唔係基督徒就自便啦，記得睇燒山條片呀。 |