我離教了

其實我決定離教既原因，係因為教會入面既傷害，同我睇唔到神既真實。

教會入面是非多，我果時鍾意左個教會既人，但冇同人講，唔知點解有人覺得我鍾意果男人，然後係背後講好多野，果時我好小心，我覺得信任唔到任何人，但係依然照番教會，因為我有事奉崗位。

最傷心既係，我好努力事奉，但俾人話我幼稚……如果幼稚就唔會捨己咁幫教會，講真，我一分錢都冇收過人地，做事奉全係因為想用行動愛大家。

覺得去左教會令我人生一直過得唔開心，諗緊永生要同呢Ｄ人一齊，係地獄就真。

離開左，係輕鬆好多，最少我保護到自己個尊嚴，而家好後悔點解去左教會浪費5年時間，真係真係好後悔，識到果Ｄ人真係好後悔，唉！